МАКС НЕ СЕ ПРЕДАВА, ФЕРАРИ 2-3 НА ПРВИОТ ТРЕНИНГ

Австриската патека е втора недела по ред домаќин на Формула 1. Тимовите имаат доволно информации, така што на првиот тренинг, три од нив им дадоа шанса за настап на нивните возачи од младинските програми.

Во Алпин, Жоу Гуанју седна зад воланот на болидот на Фернандо Алонсо, во Вилијамс, Рој Нисани го замени Џорџ Расел, а во Алфа Ромео, Калум Илот го замени Антонио Џовинаци. За ГванЈу ова е деби на официјална сесија од Формула 1, со што тој стана само вториот Кинез што официјално настапил во Формула 1, по Ма Кинг Хуа, кој учествуваше на тренинг сесии зад воланот на ХРТ и Катерам.

Пирели на тимовите им обезбеди редизајнирани задни гуми, два сета по возач, кои треба да се евалуираат и доколку сè оди како што треба, Формула 1 ќе се префрли на овие гуми за две недели на Силверстоун за ГН на Велика Британија.

Немаше дожд, но возачите се жалеа на ветерот. Саинц Јр. излета од патеката во првиот свиок, Цунода во четвртиот, Строл во шестиот и последниот. Мазепин за време на сесијата ги спречи Раиконен и Хамилтон, кои беа во брз круг, но немаше контакт.

Макс Ферстапен, како што барем изгледаше однадвор, без поголемо форсирање го забележа најбрзото време. Стјуардите избришаа рекордни 19 времиња, поради прекршување на лимитите на патеката во последните два свиока. Многу од нив беа на Луис Хамилтон, кој изгледа ја бараше најидеалната линија за завршување на кругот.

2021 АВСТРИЈА ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:05.143		37
2	Чарлс Леклер	Ферари	1:05.409	+ 0.267	33
3	Карлос Саинц Јр.	Ферари	1:05.431	+ 0.288	33
4	Валтери Ботас	Мерцедес АМГ	1:05.445	+ 0.302	31
5	Јуки Цунода	АлфаТаури	1:05.474	+ 0.331	35
6	Кими Раиконен	Алфа Ромео	1:05.586	+ 0.443	28
7	Луис Хамилтон	Мерцедес АМГ	1:05.709	+ 0.567	32
8	Серџо Перез	Ред Бул	1:05.726	+ 0.583	31
9	Пјер Гасли	АлфаТаури	1:05.726	+ 0.583	36
10	Ландо Норис	Мекларен	1:05.880	+ 0.737	28
11	Естебан Окон	Алпин	1:05.980	+ 0.837	30
12	Даниел Рикиардо	Мекларен	1:06.181	+ 1.038	31
13	Ленс Строл	Астон Мартин	1:06.203	+ 1.060	30
14	Жоу Гуанју	Алпин	1:06.414	+ 1.271	29
15	Себастијан Ветел	Астон Мартин	1:06.444	+ 1.301	28
16	Калум Илот	Алфа Ромео	1:06.564	+ 1.421	23
17	Мик Шумахер	Хас	1:06.583	+ 1.440	29
18	Рој Нисани	Вилијамс	1:06.683	+ 1.540	34
19	Николас Латифи	Вилијамс	1:06.978	+ 1.835	36
20	Никита Мазепин	Хас	1:07.316	+ 2.173	30
ИСТОРИЈА - ХИБРИДНА ЕРА - РЕД БУЛ РИНГ 2014 Нико Розберг - Мерцедес АМГ - 1:11.295 2015 Нико Розберг - Мерцедес АМГ - 1:10.401 2016 Нико Розберг - Мерцедес АМГ - 1:07.373 2017 Луис Хамилтон - Мерцедес АМГ - 1:05.975 2018 Луис Хамилтон - Мерцедес АМГ - 1:04.839 2019 Луис Хамилтон - Мерцедес АМГ - 1:04.838 2020 Луис Хамилтон - Мерцедес АМГ - 1:04.816 2020 Штаерско ГП - Серџо Перез - Рејсинг Поинт - 1:04.867 2021 Штаерско ГП - Макс Ферстапен - Ред Бул - 1:05.910 2021 Макс Ферстапен - Ред Бул - 1:05.143
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA