МЕРЦЕДЕС АМГ НАЈБРЗ, НАЈАВИ НЕИЗВЕСНА БОРБА ЗА ПОЛ ПОЗИЦИЈА

Луис Хамилтон го забележа најбрзото време на попладневниот тренинг на патеката Ред Бул Ринг во Шпилберг, Австрија. Во Топ 3 поредокот му се придружија Валтери Ботас(+0.189) и Макс Ферстапен(+0.217).

Постудените температури, во комбинација со помеките смеши на Пирели, се чини дека ги приближија до максимум двата тима кои се борат за шампионските титули.

Трите најдобри времиња беа забележани во ист сегмент од сесијата, исти гуми, исти услови, што е добра вест за Мерцедес АМГ. Британецот се покажа како подобар на најмеката C5, а Ферстапен е силен на потврдата C4 смеша.

Но, се разбира, Ред Бул би можело да блефира. Знаме дека, Хамилтон беше најбрз на саботниот тренинг, пред да биде "издуван" на квалификациите. Едно е сигурно, со нестабилните временски услови, викендов би можел да биде супер интересен.

Добрите резултати на Мерцедес АМГ се поткрепени и со извонредниот ден на Астон Мартин, Ленс Строл беше четврти, а Себастијан Ветел петти. Минатиот викенд им недостигаше темпо, нешто кое продолжи и на утринскиот тренинг, по што за време на втората сесија никој не очекуваше дека ќе имаат толку висок пласман.

Следува возачкото дуо на АлфаТаури, Јуки Цунода и Пјер Гасли. Јапонецот успеа да биде побрз од својот тимски колега, АТ02 изгледа брз, а нивна минимална цел за утре ќе биде пласман на двата болиди во Q3, како што успеаја минатиот викенд.

Алонсо, Норис и Џовинаци го заокружија Топ 10 пласманот, со Перез повторно далеку од темпото на неговиот тимски колега и финиш надвор од најдобрите 10. Мексиканецот има уште една сесија за да го подобри своето квалификациско темпо, неговата Ахилова пета оваа сезона.

На возачите им останува само уште една тренинг сесија да го пронајдат вистинкото подесување на своите болиди пред да нападнат во квалификациите закажани за 15:00 часот.

Временската прогноза вели дека и утрешните сесии треба да поминат на сува патека. Секако, Мерцедес АМГ и Ред Бул стартуваат како фаворити за Пол позицијата.

Покрај тоа, тимовите продолжија со тестирање на прототип гумите на Пирели, што се планира да се користат од следната трка во Силверстоун. На крајот од сесијата започна да врне дожд во областа на четвртиот свиок.

Хамилтон излета во чакалот, се врати во бокс, а потоа повторно излезе на патеката. Во последните минути, Ландо Норис излета на тревата откако се изврте во првиот свиок, но можеше да продолжи да се движи.

Инаку од тркачките симулации на Т2, просечното време на тимовите со над 5 круга во еден стинт доаѓаме до следниот заклучок:

ЦРВЕНИ ГУМИ
МЕКЛАРЕН (10) 10.0
АСТОН МАРТИН (12) 10.4
АЛПИН (15) 10.5

ЖОЛТИ ГУМИ
РЕД БУЛ (15) 9.55
МЕРЦЕДЕС АМГ (7) 9.56
ФЕРАРИ (9) 9.8

АЛПИН (10) 10.1

2021 ГН АВСТРИЈА - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:04.523		30
2	Валтери Ботас	Мерцедес АМГ	1:04.712	+ 0.189	33
3	Макс Ферстапен	Ред Бул	1:04.740	+ 0.217	34
4	Ленс Строл	Астон Мартин	1:05.139	+ 0.616	32
5	Себастијан Ветел	Астон Мартин	1:05.268	+ 0.745	36
6	Јуки Цунода	АлфаТаури	1:05.356	+ 0.833	36
7	Пјер Гасли	АлфаТаури	1:05.379	+ 0.856	37
8	Фернандо Алонсо	Алпин	1:05.393	+ 0.870	33
9	Ландо Норис	Мекларен	1:05.467	+ 0.943	33
10	Антонио Џовинаци	Алфа Ромео	1:05.511	+ 0.988	31
11	Серџо Перез	Ред Бул	1:05.516	+ 0.993	38
12	Естебан Окон	Алпин	1:05.527	+ 1.004	35
13	Карлос Саинц Јр.	Ферари	1:05.620	+ 1.097	36
14	Кими Раиконен	Алфа Ромео	1:05.624	+ 1.101	32
15	Даниел Рикиардо	Мекларен	1:05.698	+ 1.175	31
16	Чарлс Леклер	Ферари	1:05.708	+ 1.185	32
17	Џорџ Расел	Вилијамс	1:05.819	+ 1.296	35
18	Мик Шумахер	Хас	1:05.911	+ 1.388	34
19	Николас Латифи	Вилијамс	1:06.014	+ 1.491	37
20	Никита Мазепин	Хас	1:06.173	+ 1.650	34
ИСТОРИЈА - ХИБРИДНА ЕРА - РЕД БУЛ РИНГ 2014 Луис Хамилтон - Мерцедес АМГ - 1:09.542 2015 Себастијан Ветел - Ферари - 1:09.600 2016 Нико Розберг - Мерцедес АМГ - 1:07.967 2017 Луис Хамилтон - Мерцедес АМГ - 1:05.483 2018 Луис Хамилтон - Мерцедес АМГ - 1:04.579 2019 Чарлс Леклер - Ферари - 1:05.086 2020 Луис Хамилтон - Мерцедес АМГ - 1:04.304 2020 ШТАЕРСКО ГП - Макс Ферстапен - Ред Бул - 1:03.660 2021 ШТАЕРСКО ГП - Макс Ферстапен - Ред Бул - 1:05.412 2021 Луис Хамилтон - Мерцедес АМГ - 1:04.523
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA