На 2021 Големата Награда на Велика Британија, Ферари ќе го прослави овој значаен јубилеј. Халото на болидите на Леклер и Саинц Јр. ќе има специјално лого посветено на 70-годишнината од првата победа.
Покрај тоа, хаштагот #grazzieazzuri ќе се појави на SF21 во чест на освоената титула на италијанската репрезентација на Европското првенство во фудбал.
Првата победа беше забележана на патеката Силверстоун, која има значајно место во историјата на Формула 1, а Ферари, исто така, го држи рекордот на најмногу победи, 14, на истата оваа патека.
Во чест на јубилејот, во Маранело во претходните неколку месеци беше реставриран победничкиот болид Ф375, зад чиј волан за време на претстојниот тркачки викенд, ќе седне Чарлс Леклер и ќе испроба на историската патеката за Ф1 и Ферари.
На крајот на краиштата, Формула 1 е спорт во состојба на постојана еволуција, во кој технолошките истражувања се приближуваат до границата, а вниманието на деталите е сè.
Сепак, исто така е точно дека, во срцето на овој спорт, постојат вредности, традиции и партнерства што траат со текот на времето.
Во далечната 1951 година, Ферари користеше лубриканти од Шел, гуми на Пирели и лагери на СКФ, исто како и денес.
Британското Гран При се одржувало во средината на јули во 1951 година. Возачите кои го сочинувале тимот на Ферари беа Аскари, Вилорези и Гонзалес.
Во Ф1 Алманахот од 1951 година, во поглавјето "Прв тренинг", кој е еквивалент на денешниот прв тренинг, одржан на 12-ти Јули, е запишано најбрзото време на Хозе Гонзалес од 1.43:4, пред Фанџо и Фарина со Алфа Ромео.
Во саботата на квалификациите Алфите биле пред Ферари и најбрзиот круг бил поставен од Хуан Мануел Фанџо. На стартот на првиот ред биле Аскари - Ферари, Фарина - Алфа Ромео, Фанџо - Алфа Ромео и Гонзалес - Ферари.
Веќе во вториот круг Гонзалес успева да го престигне Бонето и се одржува на првото место до 9 круг, кога го предава водечкото место на Фанџо.
Гонзалес повторно се враќа на врвот во 40-от круг, за да во 50-от создаде пристојна предност во однос на Фанџо од 1мин.14сек. пред Аскари, Фарина.
Тоа му овозможи мирен пит-стоп во 60-от круг кога влегува да го наполни со бензин својот болид. Пит-стопот траел 15 секунди. Повторно се враќа на патеката на првото место со 56 секунди пред Фанџо. На крај ја завршува трката со предност од 80 секунди.
Првата Победа за Ферари во Ф1 беше симболичен чекор напред за тимот од Маранело пред нивниот голем ривал Алфа Ромео, каде Енцо Ферари работел 20 години.
Енцо Ферари ја примил веста на телефонот многу подоцна, додека тој бил во неговата канцеларија, а следниот ден Претседателот на Алфа Ромео испратил телеграма со честитки, која го направила Ферари уште повеќе горд на победата постигната во Силверстоун.
Од своите Англиски фанови го добил прекарот The Pampas Bull, поради екстремниот стил на возење и El Cabezón, од своите најблиски колеги.
За трката во Силверстоун тој изјавил: "Го презедов водството, но Хуан ме стигаше кога неговиот болид стана полесен со помалку гориво. Во одреден момент тој ја намали разликата и успеа да ме престигне. Јас се уште се сеќавам кога се погледнавме на главниот правец кога ме престигнуваше."
"Неговата предност повторно исчезна при првиот пит-стоп, кога неговиот болид повторно стана тежок по полнењето со гориво. Од тој момент имав многу добра предност."
"Имавме уште еден возбудлив момент, кога запрев за полнење гориво, па помислив дека Аскари може да ме престигне, но италијанскиот возач веќе се имаше повлечено од трката."
"Кога застанав во боксот, Аскари ја стави раката на моето рамо и ми рече да продолжам понатака. Така ја имав таа чест да Победам на првата трка од шампионатот за Ферари."
По скромниот успех со 125 Ф1 болидот, во Ферари се одлучуваат да се префрлат на атмосферски 4.5 литарски мотори за натпревар во Ф1 Шампионатот.
Аурелио Ламперди го заменува Џоакино Коломбо како технички директор, а Енцо Ферари наредува да се развие целосно нов V12 мотор за трки.
Ферари ја постигна целта за 4.5 литарски мотор со 375 Ф1, кој го имаше своето деби во Монца на 3 септември, 1950 година. Неговата "послушност" му го донесе второто место на Аскари во таа деби трка.
Серијата на модификации за 1951 сезоната, конечно му овозможи на Ферари да стави крај на доминацијата на Алфа Ромео во Формула 1, и ја зацементира основата на која Тимот од Маранело се изгради како еден од најдобрите Формула 1 тимови на сите времиња.
