Според Gazzetta dello Sport, 10 милиони евра годишно до 2025 година ќе бидат доделени на националниот авто клуб ACI за финансирање на две трки во Имола и Монца.
Тоа практично би значело дека двете Ф1 трки ќе добијат одобрување од Италијанската влада за нивно одржување во следните четири години.
Дополнителни 5 милиони евра ќе бидат доделени на Монца во 2022 година, а уште 15 милиони ќе бидат доделени за голема реконструкција , чие завршување е планирано во 2023 година.
Следната година, храмот на брзината ќе ја прослави својата 100-годишнина. Инаугуралната Голема Награда на Италија се одржа во Монца на 10 Септември 1922 година.
