Мерцедес АМГ на втората тест сесија донесе болид со сосема поинаква аеродинамичка конфигурација од пред две недели во Барселона. Некои од ривалите не се задоволни од некои решенија, но Мерцедес АМГ не се сомнева дека одлуката е во согласност со правилата.
ФИА беше свесна за новитетот и не виде никакви проблеми. Друго прашање е дали тоа е вистинското решение и дали W13 ќе може да доминира, но копирањето на такво решение не е лесно.
Ова сугерира дека надградениот W13 има потенцијал да доминира во 2022 сезоната. Во наредните денови треба да се потврди неговиот потенцијал по радикалното решени на инженерите на Мерцедес АМГ.
Хас Ф1 ја пропушти утринската сесија поради дефект на карго авионот со кој требаше да биде донесена нивната опрема, а попладнето зад воланот на болидот со нов изглед на бои седна резервниот возач Пјетро Фитипалди.
Тимот побара да му биде дозволено да го одработи изгубениот половина ден во недела наутро, но три тима се спротивставија, а Мерцедес АМГ кој ја започнал оваа забрана, се повлекол во последен момент при гласањето.
Наместо тоа, тимот на Хас ќе добива дополнително време секој ден. Денес, немаа среќа по црвеното знаме на крајот од денот предизвикано од почетничката грешка на Серџо Перез.
Утрото, дебитантот Гуанју Џоу излета неколку пати, но патеката во Бахреин простува грешки, а потоа застана на почетокот на пит-линијата, па неговите механичарите мораа да го вратат во својата гаража.
Црвените знамиња за првпат се појавија по паузата за ручек, кога на болидот на Астон Мартин се скрши матрицата на сензори пред задните тркала. Сесијата беше прекината за да се отстранат остатоците расфрлани низ асфалтот.
Најбрзото време го забележа Пјер Гасли со најмеката C5 смеша на Пирели, а тест сесијата продолжува утре по истиот временски распоред.
