ТОТО ВОЛФ: ФЕРАРИ ПЕ ОД -14 СТИГНА ДО +14 КС

Тото Волф, тимскиот шеф на Мерцедес АМГ, го поздравува напредокот што Ферари го постигна во однос на моќноста на погонската единица. Австриецот смета дека тимот од Маранело во моментов е репер во однос на моторот и забележува дека за само една сезона тие од заостанување од 14 КС сега се 14 КС пред нив.

Ферари имаше проблеми со својата погонска единица, особено во 2020 година, откако постигна таен за јавноста договор со ФИА по истрагата спроведена во 2019 година. Пред две сезони тие беа најбавни на гридот во тој поглед, но во 2021 година веќе забележаа јасен чекор напред, особено по надградбите на хибридниот дел воведени во вториот дел од сезоната.

Во Ферари направија одлична работа со прилагодувањето и во моментов нивната погонска единица е пред онаа на Хонда, Мерцедес и Рено. Волф признава дека никогаш не видел толку голем напредок со моторот каков што направи Ферари оваа година.

"Гледаме дека Ферари направи голем чекор напред од минатата сезона. Порано тие беа 14 коњски сили зад нас, но денес се 14 коњски сили пред нас. Никогаш порано Формула 1 не видела таков пробив, за толку кратко време, но тие успеаја, можам само да им честитам."

Освен тоа, гласините се дека Ферари планира да добие уште десет коњи со воведувањето на својот втор мотор за трката во Мајами или најдоцна во Шпанија. Инженерите на тимот ги анализираат податоците за издржливоста и во новата ПЕ ќе направат дополнителни прилагодувања со цел да се отклучат повеќе перформанси и да се зголеми нивната максимална брзина.

Тимот на Мерцедес АМГ не ја започна баш најдобро новата сезона и по три трки е инфериорен во однос на водечкиот Ферари, но и тимот на Ред Бул. Сепак, Тото Волф е сигурен дека ќе успеат да ги решаат сите свои проблеми со новиот болид, по што W13 ќе го покаже целосниот потенцијал.

"Во мојот живот веќе сум бил во слични ситуации, само треба да бидат прифатени. Минатата година реков дека по преминот кон новите прописи, односот на силите може да се промени. Токму тоа и се случи."

"Ние едноставно не сме доволно брзи. Точка. Има многу области за подобрување, го знаеме тоа, но тимот сè уште не ги има разбрано карактеристиките на новиот болид. Треба само да се на самите нас и постепено да ја зголемувате ефективноста на W13. Тоа е истиот тим кој освои многу шампионски титули."

"Верувам во потенцијалот на нашиот болид. За оваа сезона не може да имаме друго решение, а враќањето кон верзијата од Барселона, е враќање многу чекори наназад. Мислам дека тоа не е паметен потег бидејќи нема да ви дозволи да напредувате во однос на ефикасноста во споредба со вашите конкуренти."

"Затоа, во оваа фаза, немаме друг избор освен да се обидеме да ги разбереме причините за заостанувањето. И во зависност од нив, ќе можеме некако да го промениме и преправиме болидот. Нашите студии и симулации покажуваат дека болидот е за секунда побрз отколку што покажува на патеката."