Исто така, ќе бидат доделени трофеи во повеќе категории, поддржани од Ф1 тимовите, како управување со проекти, инженерство, одржливост, спонзорство и маркетинг.
Силверстоун, домот на Големата Награда на Британија, која ќе се одржи непосредно пред овогодинешното финале, е соодветно место за настанот. Познатиот објект во форма на крило ќе ги обезбеди сите капацитети и простор потребни за овој хибриден настан.
Секој тимот е задолжен да дизајнира, конструира и да се трка со најбрзиот болид на иднината, придвижуван од цилиндри со CO2. Тие мора да следат строги прописи, слични на оние во Формула 1, на пример: тркалата на болидот мора да бидат во контакт со патеката во текот на целата трка. Мини болидите се возат на патека долга 20 метри со две ленти (два болиди се тркаат истовремено).
Натпреварот е единствената глобална платформа која ги спојува Формула 1 и младите ентузијасти. Aerth Racing е првиот тим од Република Македонија кој ќе се натпреварува на ваков натпревар. Тимот се состои од 5 члена на возраст од 14 до 17 години.
Нивна цел е да го прикажат најдоброто што го нуди Македонија во однос на технологија, наука и иновации. Како што и претходно напишавме, за што подобро претставување имаат потреба од финансиски средства, т.е. спонзори.
Засега имаат подршка и соработката со Машинскиот факултет при УКИМ, како и агенцијата за млади и спорт.
Тимови кои ќе присуствуваат на овој настан ќе имаат шанса да посетат повеќе објекти, како и фабричка обиколка на одредени Ф1 тимови кои имаат база во Велика Британија.
За повеќе информации, заследете ги профилите на Aerth Racing на:
ЛИНК - INSTAGRAM: https://www.instagram.com/aerthracing
ЛИНК - FACEBOOK: https://www.facebook.com/aerthracing
