Додека Серџо Перез имаше силен почеток на сезоната, па дури и ја освои Пол позицијата во Саудиска Арабија, Ферстапен не е задоволен од однесувањето на РБ18 и допрва треба да го најде вистинскиот баланс.
"Перез е задоволен од подесувањето на болидот. Макс смета дека сè уште го нема пронајдено вистинскиот баланс и нема целосна доверба во РБ18. Неговиот агресивен стил на возење не соодвествува со новите болиди"
"Перез е многу поблиску до Макс отколку во 2021 година. Едноставното објаснување за ова е дека новите болиди, со помала потисна сила, на некои возачи им одговараат подобро од другите."
"Но, и покрај сè, сите во тимот сме оптимисти за освојување на шампионските титули, бидејќи има уште 20 трки до крајот, со повеќе од 500 поени во игра."
Советникот на Ред Бул е убеден дека проблемите со прекумерната тежина на РБ18 ќе бидат решени за трката на патеката Каталуња, која е домаќин на Големата Награда на Шпанија.
Тој тврди дека нивниот нов болид е десет килограми потежок од тој на Ферари, па тимот од Маранело има предност од три десетинки по овој фактор.
Надградбите планирани за Имола и Мајами во принцип нема да бидат претерано релевантни, а она вистинското е планирано за Шпанија.
