Сите компоненти кои прописите дозволуваат да се купат од трети добавувачи, Хас ги купува од Ферари.
Дизајнерскиот оддел на тимот се наоѓа во Маранело и вработува поранешни вработени во Ферари, а се користи и воздушниот тунел на Ферари.
Во таква ситуација, неизбежни се сомнежите дека Хас и Ферари во соработката би можеле да ги надминат границите на дозволеното со прописите.
Гинтер Штајнер: "Работиме исклучиво во рамките на прописите. ФИА е добредојдена да не посети и да се увери дека работиме според правилата и нема да најдат ништо што сугерира дека сме копирале некој дел од кој е составен нашиот болид."
"Секој пат кога имаме добар болид, започнуваат критиките. Ова веќе почнува да станува досадно. Секогаш е исто, сите се обидуваат да измислат нешто што не постои. Работиме во рамките на правилата, па критиките и поплаките стануваат заморни."
"Ако веќе се жалите, тогаш мора да имате силни аргументи. Не можете постојано да го повторувате истото како да сте расипана грамофонска плоча."
