По трката низ улиците на Монте Карло, се префрламе на уште една градска патека, но многу поинаква. За време на првиот тренинг, асфалтот во Баку беше многу "зелен" со температура од 43 степени.
Сесијата започна со многу активност, и за само неколку минути сите возачи веќе беа на патеката. Освен Ферари, кои беа на белите и Астон Мартин, на црвени, сите останти се решија за жолтите гуми.
Хамилтон излета во безбедносната зона без последици по болидот, Строл ја допре бариерата во 15-от свиок, па мораше во бокс за проверка на задната амортизација.
Во 15-та минута Николас Латифи застана во петтиот свиок, неговиот болид остана без моќта на Мерцедес ПЕ.
Неговиот Вилијамс мораше да се отстрани од патеката, за што повторно беше воведен режим на виртуелниот безбедносен автомобил. Како и за Шуми Јр. и за него сесијата беше завршена
На програмата следува вториот тренинг со почеток од 16:00 часот кога би требало да добиеме порелевантни податоци за распоредот на силите пред утрешните квалификации.
Дали Ферари ќе ги намали вертикалните осцилации, кои беа премногу изразени на нивните болиди, или пак Ред Бул ќе нема поголема конкуренција во Баку за нова двојна победа?!?
