Пирели ги донесе истите смеши, кои што беа во Франција. Во Алфа Ромео втор викенд по ред Роберт Кубица привремено го замени Валтери Ботас на првиот тренинг, останатите тимови работеа со главните возачи.
Ред Бул споредуваше различни решенија на болидот на Перез, па Мексиканецот се појави на патеката со аеродинамички сензори, како и Ландо Норис во Мекларен.
Перез се пожали на алергии, кивна повеќе пати додека го возеше РБ18, по што се врати во својата гаража.
Хас донесе сериозно надграден болид, но само еден, кој го доби подобро пласираниот возач во тимот, а тоа е Кевин Магнусен, додека Мик Шумахер ја возеше старата верзија на VF22.
Сесијата помина без проблеми. На самиот почеток, Алонсо за малку не удри во Строл, кој на излезот од третата кривина ја намали брзината, па Шпанецот мораше да излезе надвор од патеката за да избегне контакт.
Хамилтон, Алонсо и Цунода имаа мали излетувања, без последици по нивните болиди.
