Првиот тренинг на СПА-Франкоршамп заврши со силен дожд, но до почетокот на вториот асфалтот беше речиси целосно сув, па возачите веднаш заминаа во акција. Болидите на Ботас, Окон и Магнусен беа поравени, по проблемите на првата денешна сесија.
Тимовите ја разработија традиционалната програма за оптимизирање на поставките и оценување на перформансите на гумите на кратки и долги серии на кругови. Но, поради ладното време, не сите можеа да ги доведат гумите до нивниот работен опсег, што влијаеше на резултатите.
При крајот на сесијата, дождот повторно почна да врне. Тоа предизвика излетување на Мик Шумахер во чакалот покрај седмиот свиок, при тоа избегнувајќи контакт со заштитните бариери.
Болидите се лизгаа на гумите за суво, па возачите претпочитаа да се вратат во своите гаражи. Во последен момент, сите се решија да излезат на патеката за да имаат можност да ја испробаат стартната процедура.
Тоа значи дека Големата Награда на Белгија ќе остане во календарот и следната година, иако долгорочните изгледи за оваа трка се уште не се целосно јасни, а гласините се дека таа ќе се менува со трка на некоја друга европска патека.
Нацрт-календарот за 2023 година се очекува утре да биде објавен, но финалната верзија треба да биде одобрена во октомври на следниот состанок на Светскиот совет за моторни спортови на ФИА.
Прелиминарната верзија на календарот има 24 трки, вклучително и Големата Награда на Кина.
