Претседателот на ФИА, Мохамед бин Сулејем ги коментираше овие иновации, велејќи дека федерацијата не се обидува да ги замолчи возачите, но во случај на прекршување тие се соочуваат со санкции.
"Ние се залагаме за изградба на мостови и спортот може да се користи за мирни цели, но не сакаме ФИА да се користи како форум за лични работи. Во овој случај, ризикуваме да го оттргнеме вниманието од спортот."
"Што прават возачите најдобро? Да ги возат болидите на врвно ниво. Тие се добри во тоа, тоа е нивната работа, да приредуваат шоу и тие се вистински ѕвезди. Никој не ги замолчува возачите. Постојат и други платформи за зборување. Секој има можност да зборува, но треба да ги следите процедурите на ФИА."
"Имам лични мислења за многу работи и тоа е во ред, но нема да ја користам ФИА како платформа за да зборувам. Мислам дека ФИА треба да остане неутрална. Ни требаат суперѕвезди за да го зголемиме интересот за спортот."
"Ако возачот има нешто да каже, може да побара дозвола. Би било грешка да имаме самоволие. Тоа е како брзо возење во пит-линијата. Ако возачот ја надмине дозволената брзина, сосема е јасно што ќе добие за тоа."
"Изненадувачки е што веста за Андрети и Кадилак предизвика негативни реакции од страна на Ф1 тимовите. Треба да го поздравиме влегувањето во Формула 1 на потенцијалните учесници во шампионатот кога ќе пристигнат понуди од светски производители на автомобили како Џенерал Моторс и тркачки тимови со беспрекорна репутација, вклучувајќи го и Андрети. Интересот за Формула 1 се зголемува, ова го прави шампионатот поразновиден и ја зголемува неговата привлечност."
Формула 1 тимовите покажаа ретко единство и речиси со едногласно се спротивставија на проектот на Мајкл Андрети. Само еден тим е подготвен да ја поддржи апликацијата,Алпин Ф1. Се верува дека францускиот производител на автомобили е подготвен да го снабди американскиот тим со своите погонски единици, кои ќе бидат брендирани како Кадилак.
Останатите тимови се против овој проект. Тие веруваат дека Џенерал Моторс ќе ја користи Формула 1 за да ги промовира своите патнички автомобили додека инвестира помалку во шампионатот од другите производители на автомобили.
Но, најверојатно вистинската причина за неподготвеноста на другите тимови да гледаат нови ривали во Формула 1 е губењето на дел од наградниот фонд кој ќе треба да се подели на поголем број учесници.
