Зделката изнесуваше 200 милиони евра, кои тимот ќе ги потроши за поддршка на својата развојна стратегија и постигнување спортски резултати.
Уделот во тимот беше купен од конзорциум во кој се вклучени Otro Capital, Red Bird Capital Partners и Maximum Effort Investments.
Otro Capital е компанија со приватен капитал специјализирана за спорт, медиуми, игри и забава. Нејзината специјализација е купување на ветувачки, но релативно евтини средства кои имаат голем потенцијал за раст. Вообичаено, Otro Capital стекнува средства во партнерство со Red Bird Capital, компанија со приватен капитал.
Maximum Effort Investments е фонд управуван од актерот Рајан Рејнолдс, најпознат по неговата улога на Deadpool во истоимениот филм на Marvel Cinematic Universe, на кој им се придружија ко-инвеститорите и колегите холивудски ѕвезди Роб Мекелени (Секогаш е сончево во Филаделфија) и Мајкл Б. Џордан (Црниот Пантер).
Рејнолдс и Мекелени се исто така косопственици на велшкиот фудбалски клуб Рексам. Двојката беше клучна во враќањето на клубот во англиската четврта лига оваа сезона за прв пат од 2008 година.
Алек Шајнер, ко-основач и партнер на Otro Capital, ќе се приклучи на одборот на директори на Алпин Ф1 тимот. Договорот не го вклучува Alpine Racing SAS во Вири, каде се произведуваат погонските единици за Формула 1 болидите. Компанијата останува во целосна сопственост на Групацијата Рено.
Лука де Мео, шеф на групацијата Рено: "Формула 1 и Алпин се стратешки средства на Групацијата Рено. Во текот на изминатите две години, го воскреснавме брендот Алпин за да го создадеме прекрасното спортско купе A110 и на брендот му дадовме дополнителен поттик со влегувањето во Формула 1. Ова ново партнерство ќе му овозможи на Алпин Ф1 тимот да расте побрзо и да ја зголеми вредноста на брендот."
Лоран Роси, извршен директор на Алпин: "Со ова партнерство, преземаме важен чекор во подобрувањето на нашите перформанси на сите нивоа."
"Пред сè, инвестициите направени од Otro Capital, RedBird Capital Partners и Maximum Effort Investments, овие компании имаат импресивна историја на успех во спортската индустрија, се клучни за подобрување на нивото на нашите спортски перформанси на долг рок, и нивното искуство и знаење ќе ја подобрат нашата работа во медиумите и маркетингот."
"Второ, дополнителните приходи што ги генерираме ќе бидат реинвестирани во Ф1 тимот за да го забрзаме нашиот план да ги достигнеме врвните тимови во инфраструктурата и надградбите на флотата."
