Доделувањето на наградите беше организирано од Азербејџанската автомобилска федерација (ААФ), градот Баку и Градската патека Баку со поддршка на официјалните партнери - Ролекс, Ханкок и Брембо. ФИА организираше пренос во живо на социјалните мрежи.
Мохамед Бен Сулајем, претседател на ФИА: "Денес им оддаваме чест на шампионите на нашиот спорт во прекрасниот град Баку. Им благодариме на нашите домаќини, Автомобилската федерација на Азербејџан и градот Баку, а исто така ја изразуваме нашата благодарност за поддршката од нашите партнери Ролекс, Ханкок и Брембо, кои го помогнаа овој значаен настан."
Церемонијата започна со спектакуларно, но кратко видео од историјата на автомобилизмот и трките од различни шампионати.
Интересна карактеристика на церемонијата беше тоа што многу шампиони веќе излегоа со пехарите, наместо да ги примаат на сцената.
Извршниот директор на Формула 1 Стефано Доменикали им честиташе на шампионите во Формула 3 и Формула 2.
"Голема благодарност до АРТ Рејсинг, без нив немаше да можам да се тркам оваа сезона! Работевме заедно четири години, но сега се разделувам со нив, бидејќи се преселувам во друг шампионат, но ова беше славна година и јас сум многу задоволен."
Дебитантот на Мекларен, Оскар Пјастри е прогласен за најдобар дебитант во сезоната.
Оскар Пјастри: "Ако следната сезона ја започнеме како што ја завршивме оваа, ќе бидеме во добра форма! Тимот успеа да ја сврти ситуацијата, но тоа бараше огромен напор од сите. Целосно уживав во мојата прва сезона во Формула 1."
"Се надевам дека ова беше последен пат во мојата кариера да добивам награда како дебитант! Генерално, беше забавно, но се надевам дека ќе биде уште позабавно во иднина!"
Најдоброто претекнување беше доделено на претекнувањето на Серџо Перез од страна на Фернандо Алонсо во Сао Пауло. Шпанецот не беше присутен на церемонијата, но испрати видео порака.
Фернандо Алонсо: "Здраво на сите фанови! Ви благодарам многу што гласавте во категоријата акција на годината за мојата борба со Серџо Перез во Бразил. Сакам да му се заблагодарам и на Серџо и да ја споделам оваа награда со него."
"Секоја борба на патеката е интеракција помеѓу двајца возачи и верувам дека нашата битка треба да стане пример не само за сегашните, туку и за идните генерации возачи."
"Мора да промовираме чисто возење без никаков контакт помеѓу болидите. Се надеваме дека следната година ќе имаме уште поголема конкуренција на патеката. Им благодариме на сите фанови и на ФИА што се грижат за нас. Се гледаме наскоро!"
Луис Хамилтон: "Би сакал да им честитам на сите за постигнатите резултати! Неверојатно е убаво да се видат толку многу возачи, кои се истакнале во различни шампионати."
"Оваа година беше многу долга за сите, веќе со нетрпение ја очекувам зимската пауза, по која ќе започнат подготовките за следната сезона, во која ќе се обидеме да се претставиме подобро од 2023 година."
"Морам да им честитам на Ред Бул, Макс Ферстапен и Серџо Перез, тие завршија одлична работа оваа година. Макс настапи беспрекорно и нивниот тим ја подигна границата неверојатно високо, па мораме да работиме напорно за да ги стигнеме. Но, верувам дека ќе успееме."
"Се надевам дека ќе успееме да надоместиме во следната година, но засега сакам на сите да им посакам Среќен Божиќ и Среќна Нова Година со вашето семејство и пријателите!"
Стефано Доменикали му го врачи трофејот за второто место на Серџо Перез.
Серџо Перез: "Ја започнавме сезоната моќно, но потоа започнаа падовите и подемите, но јас не се откажав и работев со тимот. Му благодарам на целиот мој тим за поддршката."
"Заедно поминавме низ многу тешки времиња, но можевме да му ја обезбедиме на тимот најдобрата сезона во неговата историја. Научив многу од минувањето низ тежок период и ќе се вратам посилен следната година."
Кристијан Хорнер: "Ова беше неверојатна година за нашиот тим, соборувајќи толку многу различни рекорди, победувајќи на 21 од 22 трки и пет од шест спринтови. Сите во Ред Бул придонесоа за овие прекрасни достигнувања и јас ја прифаќам оваа награда во име на сите во тимот."
"Сите тие завршија одлична работа поддржувајќи ги двајцата наши возачи, а сега Макс ќе влезе како еден од најдобрите возачи во историјата на шампионатот. Така што денес е многу важен ден за нас, кој ја одбележува оваа важна година и јас сум многу горд на постигнатото. "
"Но, Формула 1 никогаш не запира, така што зимската пауза е многу напорен период за секого, бидејќи 2024 шампионатот ќе дојде за брзо време, па работата на новиот болид продолжува додека зборуваме. Така, зимскиот одмор ќе биде краток."
Макс Ферстапен: "На подиумот во Абу Даби, жалев што сезоната заврши и повеќе нема да можам да го возам овој прекрасен болид. Тоа беше неверојатно искуство. Бев многу задоволен што работам со овој тим."
"Сите сакаме да победуваме и правиме се што е во наша моќ тоа да се оствари. Многу патуваме и секогаш е подобро тоа да го правиме во добро друштво. Имаме таква нешто во тимот на Ред Бул и јас сум исклучително горд на она што го постигнавме оваа година."
Со ова 2023 сезоната во мотоспортот и официјално заврши, а во продолжение погледнете ја атмосферата во баку низ објективот на фоторепортерите присутни на овој исклучителен настан за ФИА.
