Црвеното срце на Ферари биеше најсилно од сите на патеката во Монца, бидејќи Чарлс Леклер ја забележа 20-та победа на Ферари на овој настан, 246-та вкупно за тимот од Маранело.
Леклер забележа победи на двете најпосебни трки за него во календарот: Монако и Монца. Тој самиот го потенцираше тоа и иако не е првпат да победува на оваа италијанска патека, уживаше речиси исто како и првата!
"Ова е неверојатно чувство. Мислев дека првиот пат ќе се чувствувам така и дека ако има втор пат нема да биде толку посебно, но моите емоции во последните кругови беа исти како во 2019. Само ги гледав трибините…"
"Монако и Монца, двете трки што сакам да ги победувам секоја сезона, иако секогаш сакате да победите што е можно повеќе. Овие две се најважни во сезоната и јас победив на нив. Тоа е многу, многу посебно."
"Тифозите се секогаш неверојатни. Ви благодарам, ви благодариме за поддршката кога дојдовме овде. Ви благодариме, навистина, за сè. "
Ажурирањата што Ферари ги претстави во Монца работат. Тоа беше нешто што се очекуваше, бидејќи историски на тимот му оди добро во својот дом. Ферари се единствениот тим со 20 победи на една патека!
Но, дали можат да се борат за победа во Баку? "Не знам, но нашиот пакет функционираше многу добро во Монца, иако се сомневам дека ќе биде така и во остатокот од сезоната."
"Мислам дека Мекларен се фаворити, но без сомнение направивме чекор напред. Баку е патека што навистина ми се допаѓа и бев многу конкурентен во минатото. Можеби и таму можеме да постигнеме нешто посебно."
Тој и Ферари изведоа стратешки мајсторски потег за да го победат моќниот Мекларен пред нивните Тифози. Логично фановите ширум светот го избраа за возач на денот.
Чарлс Леклер - 26.4%
Оскар Пјастри - 17.4%
Карлос Саинц Јр. - 11,2%
Франко Колапинто - 11.1%
Ландо Норис - 8.2%
