Австралиецот успеа да го победи Чарлс Леклер во епска битка практично во текот на целата трка. Серџо Перез и Карлос Саинц Јр. се бореа за третото место, но во претпоследниот круг се судрија.
Ландо Норис повторно ја намали разликата во бодови со лидерот, Макс Ферстапен, а Оливер Берман освои поени и со болидот на Хас.
Но, Австралиецот знаеше максимално да ги искористи белите гуми и го претекна Моначанецот во 20-от круг со задоцнето сопирање на влез во првиот свиок.
Од тој момент, па се до неколку круга до крајот, Чарлс Леклер се обиде да го врати првото место со сите "оружја" кои ги имаше на располагање, но Оскар Пјастри демонстрираше маестрално дефанзивно возење и ги затвори сите можности.
На крајот, возачот на Мекларен ја забележа својата втора победа во Формула 1, со Леклер на второто место.
Кога Мексиканецот конечно се виде себеси на победничкиот подиум, се обиде да го претекне Ферарито за второто место во првиот свиок, но Моначанецот се одбрани со последни сили.
Карлос Саинц ја искористи нивната битка, и за малку што не се најде и пред тимскиот колега. Но, тоа во следниот свиок го чинеше многу.
Чеко се обиде да го врати подиумот и... се судрија, по што трката беше завршена за двајцата. Големо честење на Мекларен со бодови! Стјуардите го проглсија судирот за тркачи инцидент.
Британецот направи добар кам-бек и го престигна Макс Ферстапен кон крајот од трката и со тоа му скрати три бода благодарение на најбрзиот круг.
Фернандо Алонсо финишираше на шесто место, пред возачите на Вилијамс, Алекс Албон седми и Франко Колапинто, осми.
Луис Хамилтон и Оливер Берман беа последните што освоија поени на оваа возбудлива трка.
Во одлуката на стјуардите се вели дека не се проценуваат последиците, туку постапките на возачите кои довеле до судирот. Стјуардите заклучиле дека ниту еден од нив не возел неправилно и дека и двајцата го држеле воланот во неутрална положба.
Бидејќи стјуардите досудија дека судирот е тркачки инцидент, ниту еден возач не беше казнет.
Стјуардите на Големата Награда на Азербејџан ги разгледаа претекнувањата на Нико Хулкенберг, Макс Ферстапен, Пјер Гасли и Естебан Окон по завршување на трката.
Сите четворица возачи претекнуваа други болиди додека виртуелното безбедносно возило беше активирано на патеката. Бидејќи сите овие претекнувања беа направени по финишот на трката, стјуардите издадоа Опомени до Хулкенберг, Ферстапен, Гасли и Окон.
Во одлуката на стјуардите се вели дека слични прекршоци имало и претходно во текот на оваа сезона, но на нив не било обрнувано внимание. Сега стјуардите ќе имаат построг пристап кон таквите работи. Идни слични прекршувања може да резултираат со построги казни.
