Тојота и Хас ги здружија силите. Првите, со цел враќање на големиот Ф1 маркетинг сегмент, вторите, да ја зајакнат својата структура и да може да напредуваат во оваа категоријата на врвниот мотоспорт.
Ова е повеќегодишен договор, иако не се прецизира времетраење, преку кој двете страни ќе споделат искуство и знаење, како и ресурси.
Поточно, договорот подразбира учество во тест-возења на возачи членови на Тојота Газу Рејсинг, како и обука на инженери и механичари. Ова ќе им овозможи на возачите на ТГР да стекнат возачко искуство во Ф1 и ќе им овозможи на инженерите и механичарите да научат како да анализираат огромни количини на податоци.
Договорот, исто така, подразбира учество на инженери и механичари на ТГР во развојот на аеродинамиката на болидите на Хас Ф1, со тоа што ќе дизајнираат и произведуваат делови од јаглеродни влакна во симулирани екстремни оперативни средини, со користење на технологија и знаењет стекнато при производство на патничките автомобили.
Така, отсега Тојота и Хас ќе работат заедно во однос на техничкиот аспект, но мора да се истакне една важен факт, а тоа е дека Ферари ќе продолжи да биде главниот партнер на Хас и ќе продолжи да ги снабдува со погонски единици.
Ајао Комацу, тимски шеф на Хас: "Задоволен сум што ја имавме поддршката од Формула 1 и нашиот партнер, Скудерија Ферари, со кој веќе ја обновивме соработката претходно оваа година, во формирањето на ова ново техничко партнерство, дизајнирано да постигне континуиран успех во Формула 1."
"Сите ние во тимот на Хас Ф1 со нетрпение ги очекуваме заедничките резултати од оваа нова врска, ние сме желни да започнеме и да ги исполниме нашите заеднички амбиции."
Соработката меѓу двете страни е непосредна и, како резултат на тоа, логоата на Тојота ќе бидат видливи на болидот на Хас почнувајќи од следниот викенд, на Големата Награда на Соединетите држави.
Така, Тојота се враќа во Формула 1, 15 години по нејзиното збогум, но тоа го прави на многу поинаков начин. Сега тоа го прави како технички партнер на клиентски тим, додека меѓу 2002 и 2009 година беше официјален фабрички тим.
Во таа фаза, нивниот најдобар резултат дојде во сезоната 2005, со четвртото место во Конструктори, кое исто така го повторија во 2007 година.
Што се однесува до возачите, Ралф Шумахер беше тој со кој имаа најголем успех, тоа го направија во 2005 година, кога завршија на шестото место во пласманот на возачи.
Тие не успеаја да победат на нити една трка во 8-те години како официјален тим, а го имаа еден од најголемите буџети во Ф1 шампионатот, а тоа го попречи нивното понатамошно учество.
Сепак, им претстои уште долг пат да се борат за бодови на секоја трка и да можат да се доближат до големите тимови. Партнерството со Тојота се надеваат дека ќе може да ги доближи до врвот.
Партнерството меѓу Хас и Тојота влијае, на некој начин, на Ферари. Така, на Италијанците им беа потребни одредени гаранции пред да се официјализира новиот сојуз.
Соработката на Тојота со Хас како технички партнер, не е увертира за враќањето на јапонската марка во конкуренција. Тие нема да бидат снабдувач на Ф1 ПЕ, и покрај промената на регулативата во 2026 година, ниту ќе се вратат како фабрички тим.
Идејата е дека американскиот тим има пристап до повеќе ресурси и повеќе хардвер, и пристап до симулаторот што го имаат во Келн. Нешто што предизвика одредени сомнежи во Ферари, кој е тесно поврзан со Хас многу години, а така ќе биде и во иднина.
Така, дел од работата на тимот на Ајао Коматсу беше да ги убеди во Ферари дека учеството на овој нов партнер во равенката нема да влијае на нивниот однос што беше изграден со текот на годините.
"Односот Ферари-Хас е основата, така што при подготовките за новото партнерство влегов со целосен начин на размислување дека во Тојота треба навистина да го разберат ова. Се беше јасно од првиот ден на преговорите и целосно транспарентно со тимот на Ферари."
Идејата е Американците да продолжат да го користат воздушниот тунел во Маранело, а исто така да го добијат и менувачот се додека тоа го дозволуваат техничките прописи. Далара, исто така, ќе го задржи своето партнерство во однос на шасијата.
Односно, Тојота не пристигна да го замени Ферари. Новото партнерство не е да го отстрани, туку да го подобри тоа фундаментално партнерство со Ферари.
"Она што го имаме со Ферари, она што го добиваме од Ферари е неверојатно. Тоа е основата на тимот на Хас Ф1. Но областите каде што ТГР може да ни помогне се надвор од таа соработка."
