Во тестовите учествуваат сите десет тима, секој може да користи само еден болид, на кој возачите ќе работат наизменично. Секој ден, денот започнува во 10:00 часот по локално време, 08:00 по македонско.
Претпладневната сесија ќе трае четири часа, од 08:00 до 12:00 часот, потоа ќе имаме еден час пауза за ручек и прес-конференции, а попладневниот дел започнува од 13:00 до 17:00 часот.
Регулативите речиси и не се сменија, со оглед на финансиските ограничувања, многу малку тимови решија сериозно да ги редизајнираат болидите, но лидерите завршија сериозна работа.
Во првиот час, тимовите традиционално работеа со аеродинамичните сензори, возејќи кругови со фиксна брзина за да ја проценат корелацијата на податоците, споредувајќи ги резултатите на патеката со добиените во тимските симулатори и CFD програми.
Заубер, како што кажавме не вложува премногу во својот болид, па тие беа единствениот тим кои имаа одредени технички проблеми.
Се уште никој не работи на брзина, но резултатите се далеку подобри од минатогодишните, а поминатото растојание е задоволувачко за сите тимови.
Тимовите од Силверстоун и Милтон Кејнс се приклучуваат на овој тренд за кој толку многу се зборуваше во 2024 година, но веќе започнаа да работат на дизајн на нови предни крила, бидејќи ФИА се реши да ги зајакне тестовите,непосредно пред почетокот на сезонава.
Петта година по ред, Бахреин е домаќин на претсезонски тестирања, а овој пат беше постудено и поветровито од вообичаеното во овој дел од планетата. Сесијата продолжува по еден час пауза со промена на сите возачи!
