Вилијамс првично требаше да биде првиот тим што ќе го прикаже 2025 болидот, но вчера Мекларен одлучи да не изненади сите со презентација на MCL39.
На две недели пред почетокот на предсезонската тест сесија, тимот на Вилијамс го презентираше својот нов болид во Силверстоун, пренесувајќи го во живо на социјалните мрежи.
Тимот ќе ја помине 2025 Ф1 сезоната со нов главен спонзор, австралиската ИТ компанија Atlassian, и ќе се натпреварува под името Atlassian Williams Racing.
Болидот го задржа својот континуитет во своето име, иницијалите на креаторот на тимот Френк Вилијамс и серискиот број на проектот за шасијата, FW47.
Внимавајте на болидот и само на болидот, бидејќи денес FW47 е обоен во посебен еднократен дизајн, а неговиот официјален дрес за 2025 година ќе биде прикажан на заедничката презентација која Формула 1 ја организира за 18 февруари во Лондон.
Со овој болид и новата возачка постава, Вилијамс се надева дека ќе направи чекор напред што ќе им овозможи редовно да завршуваат во бодови, нешто што не успеаја да го постигнат минатата сезона. Оптимизмот во тимот е висок и тие се уверени дека постепено ќе се движат кон нивната цел да напредуваат кон врвот во следните неколку сезони.
"Ќе видите дека тимот продолжува да напредува, но секогаш сум велел дека нашиот фокус е на 2026, 2027 и 2028 година и ги исполнуваме тие планови. Имавме огромни промени во инфраструктурата оваа година. Ако претходно тимот вработуваше 700 луѓе, сега бројот на вработени надмина 1050, а се уште не сме завршиле со вработување на нови."
"Имаме многу планови, но целата оваа работа се случува зад сцената и не се гледа однадвор. Сакам да се погрижам да постигнеме резултати не само на краток, туку и на долг рок. Мора да бидеме сигурни дека можеме да се бориме за титули. Да, ќе биде потребно повеќе време, но тоа е она во што инвестираме. Оваа година треба да биде добра за тимот."
"Карлос и Алекс го поделија возењето во текот на денот и можеа да ги поминат дозволените 200 километри без проблем. Болидот се однесуваше добро и, откако завршивме неколку внимателни кругови за да провериме дали сè работи правилно, можевме повеќе да го форсираме болидот и да потврдиме дека нема големи проблеми."
"Неизбежно, најдовме неколку многу ситни проблеми, но тие брзо ќе бидат решени пред да пристигнеме во Бахреин и тие не влијаеја на денешното возење. Во студени услови и со користење на промотивните гуми на Пирели, невозможно е да се проценат перформансите на FW47, меѓутоа, телеметријата и повратните информации од возачите сугерираат дека основните карактеристики на болидот се многу блиску до очекувањата."
"Сега имаме неколку дена да ги искористиме податоците од денес за да го финализираме нашиот тест план за Бахреин. Сега кога сме уверени дека болидот ќе работи добро, ние сме во одлична позиција да го максимизираме нашето време во Бахреин и да обезбедиме дека ќе пристигнеме во Мелбурн подготвени силно да ја започнеме 2025 сезоната."
"Можам да кажам дека првото излегување на патеката помина добро, што е добра вест. Обично првите сет-ап кругови на нов болид не се без компликации, но во нашиот случај болидот работеше како што треба и ние сме подготвени да продолжиме со програмата."
"Сега ќе одам да разговарам со инженерите за да им дадам повратни информации. Додека бев во болидот, почувствував неколку работи што може да се подобрат. Ќе пренесам информациите, а потоа ќе почнеме да го подготвуваме болидот да излезе на патеката и постепено да притискаме посилно."
