W16 се надоврзува на научените лекции од неговиот претходник, со значителни промени вградени пред последната сезона на овој сет на регулативи.
Новата постава на возачи, дипломци од младинската програмата, Џорџ Расел и Кими Антонели го води тимот во неговото следно поглавје.
Беа објавени неколку дигитални рендери од новиот болид, додека дополнителни инфомации и фотографии ќе бидат достапни по утрешниот филмски ден.
"Отвораме возбудлива нова ера во приказната за нашиот тим и моторспортот во 2025 година. Ние растеме врз основа на нашето неверојатно наследство и едвај чекаме да се тркаме повторно", вели Тото Волф, ко-сопственик, извршен директор и тимски шеф на Мерцедес АМГ. "Сите во тимот, во Бракли и Бриксворт, работеа напорно во текот на зимата. Минатата сезона беше неверојатно конкурентна на патеката и, иако имавме неколку победи, сите сме фокусирани на предизвикот за да победуваме уште повеќе и поконстантно."
"Имавме подобрувања во зимската пауза, но ќе знаеме каде се наоѓаме на гридот кога ќе продолжи вистинската акција на првата трка во Австралија. Имаме возбудлива возачка постава која ни помага да ги постигнеме нашите цели."
"Двајцата возачи напредуваа низ нашата јуниорска програма и тоа е оправдување на нашата посветеност да поддржуваме и да развиваме таленти. Џорџ докажа дека е еден од најдобрите возачи на гридот, способен да се натпреварува за шампионската титула, ако можеме да му дадеме болид способен за тоа."
"Како постар возач, тој ќе помогне да го води тимот напред и да го поддржи Кими во неговиот развој. Кими ги има сите потребни таленти за да постигне големи работи во овој мотоспорт, но ова е дебитантска сезона и неизбежно ќе има подеми и падови. Се радуваме на тоа патување заедно и ќе му помогнеме да се развие во текот на годината."
"Се чувствувам како минатата година да ми беше најсилна во Ф1", вели Џорџ Расел. "Претстојна сезона ќе биде моја седма во спортот и четврта со тимот на Мерцедес АМГ, и напорно работам да се подобрувам од година во година."
"Како тим, неверојатно сме мотивирани да се подобриме во однос на минатата сезона. Има голема енергија во Бракли и Бриксворт, па јас сум желен да излезам на патеката."
"Исто така, возбудливо е да се има нов тимски колега за оваа година. Кими е неверојатно брз и мислам дека ќе имаме одлично партнерство. Нормално, има многу што да научи во првата сезона, но со нетрпение очекувам да му помогнам и да работиме заедно за напредок на тимот."
"Возбуден сум што ќе дебитирам во Ф1...", вели Италијанецот. "Ова е одлична можност, и јас сум многу благодарен на сите во Мерцедес АМГ за вербата и довербата што ми ја дадоа."
"Работев напорно во текот на зимата за да бидам подготвен колку што е можно повеќе и сега, едвај чекам да започнам. Мојот фокус е да продолжам да учам, да бидам доследен и да ја правам најдобрата работа што можам за тимот."
"Со нетрпение очекувам да работам со Џорџ и прекрасно е што ќе ја имам поддршката од некој што ја поминал и јуниорската програма. Тој е неверојатно силен возач и мислам дека ќе бидеме одлично дуо."
Валтери Ботас: "Не би можел да бидам посреќен што се вратив со Мерцедес АМГ. Се чувствувам како да сум дома. Беше одлично што ги видов поранешните колеги и со нетрпение очекувам да му помогнам на тимот и на патеката и надвор од неа. Како трет возач, ќе бидам на секоја трка обезбедувајќи поддршка и дополнителни погледи."
Фред Вести: "Одлично е што ќе поминам уште една година како резервен возач. Јас веќе неколку години сум дел од тимот на Мерцедес АМГ и тоа е мое семејство. Со нетрпение очекувам да работам со Џорџ, Кими, Валтери и поширокиот тим за да помогнам во развојот на болидот и да го туркам тимот напред."
2025 година ја означува четвртата сезона од сегашните регулативи за шасијата и 12-та од постојните регулативи за погонската единица. За 2026 година, на хоризонтот свети нова можност.
"Болидите се во позрела фаза, бидејќи сме во четврта година од тековните регулативи. Потешко е да се дојде до големи придобивки, но ние се концентриравме на подобрувања во областите што не кочеа минатата година", објаснува техничкиот директор Џејмс Алисон.
"Нашиот примарен фокус беше да го подобриме однесувањето на W15 во бавните свиоци, заедно со дисбалансот во температурите на гумите што го направи болидот неконзистентен од сесија до сесија."
Џејмс додава: "Задоволни сме од нашиот напредок во текот на зимата и со нетрпение очекуваме да откриеме каде сме во однос на другите тимови."
Развојот на погонската единица во меѓувреме останува замрзнат, но тоа не значи дека работата запира, како што објаснува шефот на одделот за ПЕ, Хајвел Томас: "Работевме на издржливоста и имаме одредени надградби на калибрацијата, за да ги исцедиме и последните капки на перформанси за оваа сезона."
"Со големото ресетирање на регулативите за следната година, 2025 година делува како лебедова песна за сегашната генерација на погонски единици. Тоа дефинитивно е крај на една ера."
"Успехот што го постигнавме од 2014 година беше возможен само преку напорна работа на огромна група талентирани луѓе. Ве прави горди што сте биле дел од тој тим. Би сакале да ставиме крај на едно такво неверојатно поглавје со зголемување на нашиот успех како фабрички тим на Мерцедес, и сите се фокусирани на тоа."
"Тоа е една од најголемите промени во регулативата во историјата на спортот", вели Џејмс Алисон. "Секој тим мора да одлучи каде да ги потроши своите ресурси, дали за да се натпреварува оваа година, дали да работи на 2026 година и понатаму."
"Возбудени сме поради тој предизвик и во Бракли и Бриксворт работиме за да бидеме конкурентни колку што можеме оваа година и да изградиме основа за успех за следната година."
Хајвел Томас додава: "Промената на регулативата во 2026 година е голем предизвик, но во кој уживаме. Тоа е возбудлива еволуција, особено работата на одржливи горива. Нашето партнерство со PETRONAS и нивната експертиза се клучни за таа област. Тоа е огромен проект и ние работиме напорно за да ја максимизираме можноста пред нас."
"Ова ќе биде многу конкурентна сезона", заклучува Тото Волф. "Минатата година видовме колку е блиску гридот. Не можеше да се каже кој ќе биде на врвот, од трка до трка, а очекувам борбата оваа година да биде уште поблиска. Ќе мораме да се претставиме во најдобро светло ако сакаме да атакуваме на шампионските титули."
"Ова ќе биде жестока и борбена година од самиот почеток", повторува Џејмс Алисон. "Во оваа фаза од регулативите, болидите се приближуваат во однос на перформансите. Ќе има повеќекратни победници, а можно е да видиме уште повеќе тимови од четирите што забележаа победи минатата година, да се искачат на највисокото скалило на подиумот."
"Со оглед на тоа каде се наоѓаме во овој сет на регулативи, добивките во времињата се мали", продолжува Хајвел Томас. "Сè уште има можност да се најдат мали делчиња и тоа може да биде разликата во сабота и недела."
"Можеше да се види минатата година, особено во квалификациите, колку блиску беа некои од тимовите. Да се најдат тие 10 или 20 милисекунди е клучно, тоа може да биде разликата помеѓу пол позиција или вториот или третиот ред. Ќе продолжиме да ги бркаме тие победи и да се бориме за шампионската титула."
