Возачите не брзаа да ги напуштат своите гаражи. Во првите десет минути во акција беа само возачите на Хас и Луис Хамилтон, а постепено им се придружија и останатите.
Патеката веќе е покриена со слој од искористена гума, но сè уште немаше доволно грип. Црвените гуми работеа најдобро, но тие издржуваа само на кратко растојание и бараат внимателно менаџирање.
Ветерот беше голема пречка, особено на свиокот 11, каде имавме многу излетувања, но без никакви последици по болидите.
Чарлс Леклер го загуби левиот ретровизор на патеката, кој мораше да биде заменет на болидот на Ферари. Џорџ Расел имаше најголеми проблеми со 10-от свиок, поеќе пати се изврте, кажувајќи му на својот инженер дека не може да се сети кога Ф1 болидот имал толку слаб грип.
Единствено возачите на Мекларен изгледаа незасегнати од топлото време и проблемите со грипот. Оскар Пјастри го имаше најбрзото време, шест десетинки побрзо од тимскиот колега Ландо Норис на второто место.
Останатите не може да конкурираат за првото место. Да видиме каков ќе биде односот на силите во квалификациите кога ќе се зголемат брзините. Мекларен никогаш претходно немал Пол позиција, нити Победа во Бахреин.
Придружете ни се во нашата ВАЈБЕР група, најбрзиот начи да дојдете до информации поврзани со Формула 1 шампионатот.
СТРИМОТ ЌЕ БИДЕ ПОСТИРАН НА ВООБИЧАЕНИОТ НАЧИН И ЛИНКОТ ЌЕ БИДЕ ДОСТАПЕН ВО ВАЈБЕР И ТЕЛЕГРАМ ГРУПИТЕ.
