Оскар Пјастри добро го започна викендот поставувајќи го најбрзото време на првиот тренинг за Големата Награда на Емилија Ромања, која се вози на легендарната патека Имола.
Ландо Норис обезбеди 1-2 пласман за Мекларен, кој останува тимот што треба да се победи. Најбрзите десет возачи се во разлика од само половина секунда.
Карлос Саинц Јр. го имаше третото најбрзо време и покрај тоа што возеше болид без ажурирања. Шпанецот заврши половина десетинка зад Оскар Пјастри.
Придружете ни се во нашата ВАЈБЕР група, најбрзиот начи да дојдете до информации поврзани со Формула 1 шампионатот.
СТРИМОТ ОД ТРЕНИНГ 2 17:00 MK ЌЕ БИДЕ ПОСТИРАН НА ВООБИЧАЕНИОТ НАЧИН ВО НАШИТЕ ВАЈБЕР И ТЕЛЕГРАМ ГРУПИ.
Со оваа трка започнува европската фаза од Ф1 календарот и означува период каде ќе бидат донесени првите поголеми развојни пакети. Многу нови елементи за овој петок, а Астон Мартин беше најактивен во тој поглед.
Франко Колапинто се враќа во акција во болидот на Алпин, менувајќи го Џек Дуан во болидот на Алпин, барем за следните пет трки.
Своето деби го имаше и C6 смешата, најмеката во целата понуда на Пирели за 2025 сезоната. Истата ќе биде присутна и во Монако и Канада. Целта на италијанците е да обезбедат поголема стратешка разновидност на патека која не го олеснува престигнувањето.
Двата возачи на Мерцедес АМГ беа први и трети, со Џорџ Расел напред и Пјер Гасли втор, одвојувајќи ги болидите на сребрените стрели со Алпинот на жолтите гуми.
Болидите на Ферари и Макс Ферстапен беа доста далеку назад, па почетните минути на патеката овој викенд понудија прилично тешка слика за читање на поредокот.
Во втората половина од сесијата, со веќе монтиран уште еден сет на црвени гуми, работите се вратија во нормала со Пјастри на првото место.
Австралиецот забележа време од 1:16.545, но битката за првото место беше исклучително блиска, со помалку од две десетинки разликата меѓу првите шест. Оскар и Саинц Јр., кој беше шести, без разделени во само 199 илјадити делови од секундата.
Од првите шест, Саинц Јр. беше единствениот кој успеа да го подобри своето време, правејќи го тоа за десетинка и пол, од 199 илјадити делови зад Пјастри на само 52. Тимот на Вилијамс не донесе ништо ново за овој тркачки викенд.
Ферстапен заврши седми, три десетинки побавен од најбрзото време и малку подалеку зад водечките, иако како што рековме, сè е многу блиску. Алекс Албон беше осми, пред двата Заубера, со Габриел Бортолето деветти и Нико Хилкенберг десетти, во 600 трка за тимот во Формула 1 шампионатот.
За Астон Мартин ова беше вистинска тест сесија, каде Строл, со подобрениот болид, за малку пропушти пласман меѓу првите десет и беше 0.089 делови од секундата побрз од Алонсо.
Шпанецот го имаше стариот пакет, од Мајами, па со оглед на разликите и имајќи предвид дека е прерано да се донесуваат заклучоци, ова би можело да биде чекор напред за тимот од Силверстоун.
Две минути пред крајот, сесијата беше прекината. Габриел Бортолето изгуби контрола врз својот Заубер и излета од патеката во 18-от свиок. Штетата е мала, возачот е добро. Сесијата заврши под црвени знамиња.
ПРИЈАВЕНИ НОВИТЕТИ ЗА ИМОЛА
