ХАС СО ПОИНАКОВ ИЗГЛЕД ВО СУЗУКА

Американскиот тим ќе го прослави официјалниот почеток на сезоната на цветање на црешите во Јапонија. Сакура, пролетни цветни мотиви, ќе се појават на болидите на Естебан Окон и Оливер Берман.

Ова е домашна трка и за Toyota Gazoo Racing, која е во соработка со овој тим. Цветовите од црешите, познати и како "сакура", се национален симбол на Јапонија.

Хас не сакаше да ја пропушти можноста да ја искористи оваа околност за да создаде прекрасeн нов изглед на своите болиди.

Тие го објавија ова преку соопштение, во кое го изразија и својот ентузијазам за продолжување на добриот резултат од Кина.

Изненадувачки на трката во Кина, двата болиди на Хас се најдоа во топ 10 пласман, а по дисквалификацијата на Ферари, тоа беа петто и осмо место. Тие беа најдобри од средината на поредокот.

Целосен контраст не само со резултатот од Австралија, туку дури и со спринтот на истото место во Шангај.

Ајао Комацу, тимски шеф на Хас: "После многу успешниот викенд во Шангај, возбудени сме што доаѓаме во Јапонија. Сузука е многу тешка патека и за возачите и за инженерите за правилно поставување на болидот."

"На овој викенд му приоѓаме со фокус кон предизвиците што ни претстојат и имаат за цел да го извлечеме максимумот од VF-25 и нашите возачи."

"Австралија беше изненадување за нас, нешто што не го очекувавме по тест сесијата во Бахреин. Сепак, иако бевме конкурентни во Шангај, знаеме дека сè уште имаме фундаментален проблем со болидот кој се откри во Мелбурн. Не се залажувам себеси дека го решивме проблемот, бидејќи тоа не е случај"

Естебан Окон: "Тоа е патека што навистина ми се допаѓа, за мене најдобрата во Ф1 календарот. Има толку многу предизвици, особено првиот сектор, кој е неверојатно брз и флуиден. Мора да бидете многу фокусирани и прецизни кога возите, особено во квалификациите, и тоа е она што ве прави среќни кога ќе имате добар круг."

Оливер Берман: "Навистина се радувам на трката во Јапонија. Тоа е одлична патека и нашето партнерство со Toyota Gazoo Racing ќе му даде на целиот наш тим викенд за паметење."

"Имав среќа да возам јапонски болид од Супер Формула на патеката Сузука и тоа беше многу интересно искуство. Јапонската публика е прекрасна и со нетрпение очекувам повторно да се сретнам со нив."