Вебер ја користи тремата на Ветел пред домашната публика
Ред Бул со нова Пол Позиција, овојпат повторно за Марк Вебер. Ништо ново и на овие квалификации, освен тоа што Хамилтон со Мекларен внесе малку возбудување и добра брзина, и супер интересна борба за Пол Позицијата. Ветел за прв пат нема да стартува од првиот ред, и за малку заврши пред Фернандо Алонсо на четвртата стартна позиција. Ветел не изгледа премногу задоволен од својот настап за разлика од Марк Вебер и Луис Хамилтон кои се задоволни и насмеани по своите настапи.Фелипе Маса се квалификуваше на солидната 5-та позиција, но никогаш не беше во можност да се бори со фаворитите и беше над 0.4 побавен од Алонсо. Нико Розберг успеа да се пробие во Топ 6 откако беше побрз од Џенсон Батон, кој пак се жалеше дека едноставно не можел да најде доволно грип на неговиот Мекларен во последната сесија. Тој во текот на втората сесија беше во близина на времињата на тимскиот колега Хамилтон и беше видливо разочаран од начинот на кој помина последната сесија.
Одличен настап пред домашната публика имаше Адријан Сутил, и го донесе болидот на Форс Индија на 8-та позиција, пред Виталиј Петров од Рено на 9-та и Михаел Шумахер како последен во Топ 10 пласманот, но сега барем влезе во најдобрите десет, нешто што тешко му поаѓаше од рака на претходните трки.
На крајот на поредокот немаше некое изненадување, освен можеби пласманот на Камуи Кобајаши со Заубер. Останува да почекаме до утре 14:00 CET за нова и се надеваме интересна трка, можеби и како што најавува временската прогноза зачинета со дожд кој досега ја одбегнуваше оваа патека за време на сесиите.
П. ВОЗАЧ ТИМ ВРЕМЕ РАЗЛИКА
1. МАРК ВЕБЕР РЕД БУЛ 1:30.079
2. ЛУИС ХАМИЛТОН МЕКЛАРЕН 1:30.134 + 0.055
3. СЕБАСТИЈАН ВЕТЕЛ РЕД БУЛ 1:30.216 + 0.137
4. ФЕРНАНДО АЛОНСО ФЕРАРИ 1:30.442 + 0.363
5. ФЕЛИПЕ МАСА ФЕРАРИ 1:30.910 + 0.831
6. НИКО РОЗБЕРГ МЕРЦЕДЕС ГП 1:31.263 + 1.184
7. ЏЕНСОН БАТОН МЕКЛАРЕН 1:31.288 + 1.209
8. АДРИАН СУТИЛ ФОРС ИНДИЈА 1:32.010 + 1.931
9. ВИТАЛИЈ ПЕТРОВ РЕНО 1:32.187 + 2.108
10. МИХАЕЛ ШУМАХЕР МЕРЦЕДЕС ГП 1:32.482 + 2.403
Q2 најбрзо време: 1:30.998 Луис Хамилтон РАЗЛИКА
11. НИК ХАЈДФЕЛД РЕНО 1:32.215 + 1.217
12. ПОЛ ДИ РЕСТА ФОРС ИНДИЈА 1:32.560 + 1.562
13. ПАСТОР МАЛДОНАДО ВИЛИЈАМС 1:32.635 + 1.637
14. РУБЕНС БАРИЧЕЛО ВИЛИЈАМС 1:33.043 + 2.045
15. СЕРЏО ПЕРЕЗ ЗАУБЕР 1:33.176 + 2.178
16. СЕБАСТИЕН БУЕМИ ТОРО РОСО 1:33.546 + 2.548
17. ЏЕЈМИ АЛГУЕРСУАРИ ТОРО РОСО 1:33.698 + 2.700
Q1 најбрзо време: 1:31.826 Фелипе Маса РАЗЛИКА
18. КАМУИ КОБАЈАШИ ЗАУБЕР 1:33.786 + 1.960
19. ХЕИКИ КОВАЛАИНЕН ЛОТУС 1:35.599 + 3.773
20. ТИМО ГЛОК ВИРЏИН 1:36.400 + 4.574
21. КАРУН ЧАНДХОК ЛОТУС 1:36.422 + 4.596
22. ЖЕРОМ Д`АМБРОЗИО ВИРЏИН 1:36.641 + 4.815
23. ВИТАНТОНИО ЛИУЦИ ХРТ 1:37.011 + 5.185
24. ДАНИЕЛ РИКАРДО ХРТ 1:37.036 + 5.210
КВАЛИФИКАЦИИ ДУЕЛИ ВОЗАЧ-ВОЗАЧ ПО 10 ВИКЕНДИ
ВЕТЕЛ 7 - 3 ВЕБЕР
ХАМИЛТОН 7 - 3 БАТОН
АЛОНСО 10 - 0 МАСА
ШУМАХЕР 1 - 9 РОЗБЕРГ
ХАЈДФЕЛД 3 - 7 ПЕТРОВ
БАРИЧЕЛО 5 - 5 МАЛДОНАДО
СУТИЛ 3 - 7 ДИ РЕСТА
КОБАЈАШИ 5 - 4 ПЕРЕЗ
БУЕМИ 8 - 2 АЛГУЕРСУАРИ
КОВАЛАИНЕН 1 - 0 ЧАНДХОК
РИКАРДО 0 - 2 ЛУИЦИ
ГЛОК 8 - 2 Д`АМБРОЗИО
