ЧАРЛС ЛЕКЛЕР И ФЕРАРИ НА ВРВОТ ВО БАКУ

Возачот на Ферари, Чарлс Леклер, го забележа најбрзото време на попладневниот тренинг за Големата Награда на Азербејџан. Моначанецот релативно лесно стигнуваше до ново најбрзо време, по секое подобрување на истото, а негов најголем ривал при тоа беше Себастијан Ветел. Леклер беше за 0.324 секунди пред Ветел и 0.669 секунди побрз од трето пласираниот Мерцедес АМГ на Луис Хамилтон.

По откажувањето на првиот тренинг поради разлабавената шахта што го оштети болидот на Џорџ Расел, тимовите мораа да ја приспособат нивната тест програма за втората тренинг сесија, на која не учествуваше возачот на Вилијамс, Џорџ Расел, бидејќи на неговиот болид ќе биде монтирана нова шасија.

ВИДЕО РЕЗИМЕ НА ВТОРИОТ ТРЕНИНГ

Возачите на почетокот се решија за поставување на брзи кругови на медиум, па постепено преоѓаа на меките гуми, откривајќи ги тајните на комплексната и долга патека во Баку. Како што одминуваше времето стандардно се премина на оценување на ефективноста на тркачкото темпо.

Проблемите за сите беа исти. Асфалтот во Баку е мазен, абењето е мало, но не е лесно да се загреат гумите, особено кога имаме релативно студено време. Многумина имаа погрешни проценки за времето на сопирање, блокирајќи ги тркалата и излетување во малкуте безбедносни зони што ги нуди оваа патека. Повеќето од нив беа без поголеми последици за болидите.

Имавме два посериозни инциденти со црвено знаме, првиот кога Ленс Строл заврши во бариерата при вториот свиок и вториот кога Даниел Квјат, кој денес полни 25 години, заврши во бариерите на излезот од седмиот свиок. При двата инциденти црвеното знаме траеше по околу 10-тина минути.

2019 АЗЕРБЕЈЏАН ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Чарлс Леклер	Ферари	1:42.872		28
2	Себастијан Ветел	Ферари	1:43.196	+ 0.324	28
3	Луис Хамилтон	Мерцедес АМГ	1:43.541	+ 0.669	31
4	Макс Верстапен	Ред Бул	1:43.793	+ 0.921	24
5	Валтери Ботас	Мерцедес АМГ	1:44.003	+ 1.131	31
6	Даниел Квјат	Торо Росо	1:44.177	+ 1.305	9
7	Карлос Саинц ЈР.	Мекларен	1:44.183	+ 1.311	27
8	Алекс Албон	Торо Росо	1:44.216	+ 1.344	33
9	Пјер Гасли	Ред Бул	1:44.240	+ 1.368	24
10	Ландо Норис	Мекларен	1:44.295	+ 1.423	32
11	Кевин Магнусен	Хас	1:44.901	+ 2.029	25
12	Антонио Џовинаци	Алфа Ромео	1:45.367	+ 2.494	31
13	Серџо Перез	Рејсинг Поинт	1:45.436	+ 2.564	28
14	Кими Раиконен	Алфа Ромео	1:45.482	+ 2.610	30
15	Даниел Рикиардо	Рено	1:45.483	+ 2.611	15
16	Роман Грожан	Хас	1:45.618	+ 2.746	31
17	Нико Хулкенберг	Рено	1:46.717	+ 3.845	24
18	Ленс Строл	Рејсинг Поинт	1:47.875	+ 5.003	8
19	Роберт Кубица	Вилијамс	1:48.111	+ 5.239	27
20	Џорџ Расел	Вилијамс	/	/	0
ИСТОРИЈА - ХИБРИДНА ЕРА - БАКУ 2016 Луис Хамилтон - Мерцедес АМГ - 1:44.223 2017 Макс Верстапен - Ред Бул - 1:43.362 2018 Даниел Рикиардо - Ред Бул - 1:42.795 2019 Чарлс Леклер - Ферари - 1:42.872
@МкФормула1 - Република Македонија @MkFormula1 - Republic of Macedonia

ЛИНК - АЗЕРБЕЈЏАН ГП: НЕСКРОТЛИВИТЕ УЛИЦИ НА БАКУ
ЛИНК - ДЕТАЛЕН ВРЕМЕНСКИ РАСПОРЕД
ЛИНК - БОЛИДОТ НА ВИЛИЈАМС ЦЕЛ НА ОДВОДНА ШАХТА