ГОДИНИ, ИСКУСТВО, ОБРАЗОВАНИЕ НА МАКЕДОНСКИОТ Ф1 ФАН
Она што не изненадува е возрасната група која е речиси изедначена по процент во рамките од 26 до 45 години. 92% од учесниците во анкетата се мажи, 60% се со високо образование. Поголемиот дел од нашата публика, речиси половината се изјасниле дека ја следат Формула 1 повеќе од 20 години, што значи дека се ветерани во врвниот мотоспорт.
Повеќе детали за овие анкетни прашања имате на страницата каде се сумирани анкетните резултати на следниот ЛИНК.
КАКО БИ ЈА ОЦЕНИЛЕ МИНАТАТА СЕЗОНА?
2022 сезоната доби преодна оцена 4 од повеќето Ф1 фанови - 41.4%, оцена со која би се согласиле и ние. Новата генерација на Ф1 болиди на почетокот на сезоната најавија екстра сезона со многу претекнувања за првото место, но како што годината одминуваше, доминацијата на Ред Бул ја претвори во рекордна за нив, но просечна за фановите.
Оваа оценка, просечна 3, ја имаа 33.3% од фановите. Спротивно од нив 15.2% од фановите сметаат дека гледавме извонредна сезона во Формула 1, а само 7.2% мислат дека гледавме незадоволителна т.е. лоша година за шампионатот.
На анкетата учествувале фанови од следните градови со застапеност помала од 1% и тоа: 0.7% Богданци, Виница, Крива Паланка,Крушево, 0.6% Валандово, Делчево, Пробиштип, 0.5% Берово, Демир Капија,0.4% Македонски Брод, 0.1% Кратово и без нити еден фан од градовите Дебар, Дојран, Нов Дојран, Македонска Каменица.
2.9% од македонските фановите кои не следат се наоѓаат надвор од државата.
Во оваа номинација беше понуден избор на сите возачи кои учествуваа во Ф1 шампионатот во изминатата сезона, така што резултатот во секој случај е целосен и реален одраз на македонските фанови.
Во 2020 година најголемиот дел од нив го подржаа успехот на Чарлс Леклер.
Во 2021 година, Макс Ферстапен беше на врвот на рангирањето по острата и неверојатна битка со Луис Хамилтон.
Во 2022 година, Моначанецот од Ферари се врати во првата позиција, пред Макс Ферстапен, додека Луис Хамилтон беше трет по популарност.
И во оваа номинација беше понуден избор на сите возачи кои учествуваа во Ф1 шампионатот во изминатата сезона.
Чарлс Леклер се врати на првата позиција како омилен возач на македонските Ф1 фанови, но Макс Ферстапен според голем процент на анкетираните фанови е најдобриот возач за 2022 година. Сосема заслужено!
ОМИЛЕН ТИМ ЗА МАКЕДОНСКИТЕ Ф1 ФАНОВИ
Исто како и во претходното анкетно прашање, во оваа категорија беа понудени сите тимови кои моментално учествуваат во шампионатот на Формула 1.
Секако, Ферари нема конкуренција и цврсто го држи врвот и покрај долгиот период без освоена шампионска титула кај возачи, ни во шампионатот на конструктори.
Ред Бул втора година по ред опстојува да биде пред тимот на Мерцедес АМГ по популарност, но она што паѓаво очи е константнто намалување на рејтингот на Мекларен, а АлфаТаури останува најнепопуларниот тим. 1.9% од анкетираните немаат омилен тим.
Првите три позиции ги држат болидите на најпопуларните тимови, но на крајот повеќето Ф1 фанови беа согласни дека тимот на Ред Бул го имаше најдобриот болид за 2022 сезоната - РБ18.
3% од анкетираните не може да се одлучат за тоа кој е најдобриот болид за 2022 година.
Оваа сезона освен на фановите на Ферари, Ф1-75 им се допадна и на дел од останатите Ф1 фанови, па со убедливо мнозинство се најде на врвот на табелата.
Ние исто така се согласуваме дека 2022 Ф1 болидот на Ферари беше најубав на гридот, пред се поради уникатните карактеристиките на страничните отвори за ладење, кои го дистанцираа од останатите болиди.
4.7 % од анкетираните не можеа да се одлучат за нити еден од 10-те болиди кои настапуваа во 2022 шампионатот на Формула 1.
Во оваа номинација беше понуден избор од сите тимски шефови кои беа дел од Ф1 шампионатот во изминатата сезона.
Како и во случајот со најдобриот возач, според македонските Ф1 фанови, Кристијан Хорнер со убедливо мнозинство е најдобриот тимски шеф за 2022 година.
Исто така, сосема заслужено!
Вториот дел од статијата го имате на линкот подолу!
линк - 2022 АНКЕТА - Ф1 ФАНОВИ ВО МАКЕДОНИЈА (2 дел) - линк
линк - ФОРМУЛА 1 - СИТЕ ПОВАЖНИ ДАТУМИ И ИНФОРМАЦИИ ЗА 2023 СЕЗОНАТА - линк
