Презентацијата на првичните детали ќе се одржи следната недела, поточно следниот вторник на 23-ти Февруари, кога ќе биде претставена конфигурацијата на новата патека.
Овој проект кој е форсиран од IFEMA, т.е. нејзиниот претседател, Хозе Висенте де лос Мозос, се чини дека е се поблиску до реалност и ја носи Формула 1 во Мадрид, на територијата на IFEMA.
Се очекува да бидат дадени општи детали и скица за тоа како би можело да изгледа конфигурацијата на патеката, која би имала околу 5.2 километри.
Идејата е да се изедначи Мадрид со Сингапур, Џеда, Лас Вегас, Монако и Мајами, градови кои исто така имаат градски патеки, покрај традиционалните полуградски конфигурации како Мелбурн и Монтреал.
Се претпоставува дека Стефано Доменикали, извршниот директор на Либерти, компанијата која ги има комерцијалните права на Ф1, ќе биде присутен во моментот на објавувањето.
Во 2026 година, Шпанија би требало да има две трки во Формула 1 Шампионатот, бидејќи Каталуња има важечки договор до таа година. Потоа, шпекулациите велат дека ќе остане само една Ф1 трка во Шпанија, а мадридските промотори се целосно уверени дека Мадрид ќе биде избраниот кандидат.
