Покрај тоа, таа ќе биде насловена како Голема Награда на Шпанија, што значи дека го презема континуитетот и приматот на главен настан во Ф1 календарот за оваа земја.
Договорот е повеќегодишен и трае до 2035 година.
Промотор е IFEMA Мадрид, кои се обврзуваат дека ќе изградат нова патека до 2026 година, комбинирајќи ги карактеристиките на трките во Австралија и Канада, т.е. ќе се користат дел од градските улици, но и постојан дел само за тркање.
Патеката ќе биде поставена околу изложбениот центар ИФЕМА, должината на кругот ќе биде 5.47 километри, ќе вклучува 20 свиоци, но проектот сепак мора да биде одобрен на ниво на ФИА. Проценетото време за возачите да поминат круг во квалификациите е 1 минута и 32 секунди.
"Мадрид е неверојатен град со неверојатно спортско и културно наследство, а денешната објава започнува возбудливо ново поглавје за Формула 1 во Шпанија."
"Би сакал да му се заблагодарам на тимот на ИФЕМА МАДРИД, на регионалната влада на Мадрид и на градоначалникот на градот за составувањето на фантастичен предлог."
"Навистина е олицетворение на визијата на Формула 1 да создаде повеќедневен спектакл на спорт и забава што дава максимална вредност за фановите и ги опфаќа иновациите и одржливоста."
Формула 1 беше таа која, неколку минути пред официјалната прес-конференција на ИФЕМА, објави соопштение во кое го најави одржувањето на Големата Награда на Шпанија во Мадрид, почнувајќи од 2026 година.
Сепак, треба да се забележи дека во соопштението не е спомената патеката Каталуња, која има договор со Формула 1 до 2026 година за одржување на Шпанското ГП до таа година.
Така да, се доаѓа до судир на интереси, барем за името. Дали и двата настани ќе можат да коегзистираат во календарот е прашање што останува да се види, бидејќи има многу детали што треба да се финализираат, но јасно е дека, доколку во Шпанија се одржат две трки во иста година, некој ќе мора да си го смени името.
"Нашиот сон да бидеме домаќини на голем настан во Ф1 околу ИФЕМА МАДРИД се оствари. Возбудени сме што можеме да го објавиме враќањето на Ф1 во Мадрид по повеќе од четири децении."
"Имаме амбиција да организираме настан што ќе стане референца во целиот календар на Ф1, специјално конципиран и дизајниран да понуди препознатливо и уникатно искуство и за фановите и за тимовите што учествуваат во шампионатот."
"Со ова, Мадрид сака длабоко да се нурне во развојот на нов концепт кој комбинира спорт и забава, притоа обезбедувајќи незаборавен настан."
"Ф1 се враќа во Мадрид" или "Наскоро во Мадрид" се дел од фразите кои се промовираат по автобусите во шпанската престолнина.
Одржувањето на Формула 1 трка не е лесно, а уште помалку кога треба да се изгради комплетно нова патека од нула, а потребните подготовки се обемни и бараат доста време.
Мадрид мора да исполни низа на барања за кои во моментов не се започнати нити процедурите. Најважен услов е да се добие одобрение за трасата на патеката. Овде стапува во игра шпанска автомобилска федерација, чиј претседател Мануел Авињо е потпретседател на ФИА во Европа, бидејќи тоа е личноста што мора да даде одобрение со овластување на ФИА.
Јасно е дека без хомологација не може да има трка, но ова не е единствената премиса. Мадрид сака да влезе во календарот во 2026 година и тоа мора да биде ратификувано и од ФИА.
Мора да ги земеме предвид и другите фактори кои, а приори, може да изгледаат мали, но кои се исто така строго неопходни, како што се обуката на официјалните лица и стјуардите, назначувањето на насоката на трката и други детали на спортско и логистичко ниво, без кои Гран при не може да се спроведе.
Иако официјалната презентација на трката е веќе одржана, ниту една од процедурите за усогласување со сите овие барања до денес не е започната. Мадрид постигна договор со Либерти Медиа, самата Формула 1 го најави своето пристигнување во календарот, но зеленото светло од ФИА допрва треба да пристигне.
Стефано Доменикали беше присутен на презентацијата на Гран При и зборуваше на настанот, но немаше никакво претставување или споменување на ФИА или Шпанската автомобилистичка федерација, два клучни субјекти за прослава на Големата награда во Мадрид е реалност.
Тој го изјави ова во интервју за локалното радио кога беше побарано да jа коментира официјалната најава дека Мадрид ќе биде домаќин на Ф1 трка од 2026 година.
"Работиме заедно со нашата патека Каталуња, имаме одлични односи и не се сомневам дека таму ќе се одржи прекрасна трка во 2024 година, а во иднина ќе вложиме максимални напори да се одржуваат Ф1 трки во Каталонија по 2026 година."
"Нашата влада продолжува да соработува со Формула 1 и се надеваме дека пред 2026 година ќе се постигне договор врз основа на кој ќе се одржува трката во Барселона во следните неколку години."
"Кога ќе се потпишат такви договори, ќе ви кажеме за нив. Веќе е постигнат добар напредок, работата напредува на позитивен начин. Иднината на Формула 1 во Барселона зависи од самата патека и од Формула 1, и ништо друго."
Идната патека веќе има одлични транспортни врски, до патеката може да се стигне со автомобил, градски автобуси и метро. До патеката се двата главни стадиони на шпанската престолнина, Сантијаго Бернабеу, домот на Реал Мадрид, и Цивитас Метрополитано, каде што игра Атлетико Мадрид.
Должината на патеката ќе биде 5.474 метри и ќе вклучува 20 свиоци. Проценетото време на квалификацискиот круг е 1 минута 32 секунди. Во процесот на развивање на конфигурацијата на патеката, организаторите разгледаа 24 различни опции.
Друга карактеристика на патеката е присуството на два кратки тунели, а делот од свиоците седум до девет вклучува прилично стрмно спуштање. Десеттиот свиок ќе биде закосен, но допрва треба да се одредат точните параметри.
Капацитетот на трибините ќе биде 110 илјади луѓе, но организаторите планираат на крајот да бидат домаќини на 140 илјади луѓе, што ќе ја направи патеката во Мадрид една од најголемите на календарот.
Организаторите се уверени дека целата работа, како и хомологацијата на патеката, ќе бидат завршени навреме.
