Кармело Езпелета, извршниот директор на Дорна, која ги поседува комерцијалните права за МотоГП шампионатот, и Стефано Доменикали, претседателот на Формула 1, поминаа извесно време разговарајќи за можните опции.
Во моментов има четири патеки на кои се одржуваат трки во Формула 1 и МотоГП, Каталуња, Ред Бул Ринг, Силверстон и патеката на Америка во Остин, Тексас.
Сепак, тешко дека ќе се организира ваков заеднички проект во следните година-две, пред се поради сложеноста на безбедносната подготовка на патеката, бидејќи во двата шампионати имаме различни стандарди.
Но, не е само тоа, двата шампионати имаат различни спонзори и нема да биде лесно да се земат предвид барањата на сите деловни партнери.
Езпелета смета дека се уште е можно да се спроведе планот: "Стефано Доменикали и јас долго време имаме пријателки односи и веќе некое време размислувавме за таков проект."
"Се разбира, не е толку едноставно, но можам да кажам дека не се откажавме од оваа идеја. Ако проектот може да се спроведе, ние ќе го направиме тоа."
