Неколку часа подоцна, на социјалните мрежи на тимот од Фаенца се појави мистериозна фотографија, без никакво објаснување, на која се гледа бикот од логото на Ред Бул и три букви разделени со точка - B.RB.
Со голем степен на веројатност, оваа слика навестува ново име и корпоративни бои на тимот, но ќе бидеме трпеливи и ќе чекаме официјална потврда.
Презентација на Visa Cash App RB е планирана за 8 Февруари во Лас Вегас, на која Даниел Рикиардо и Јуки Цунода ќе го претстават новото обојување на болидот и тимските бои.
Питер Баер, извршен директор на Visa Cash App RB: "Фантастично е да се воведе нов идентитет и да се дочекаат нови партнери во следната историска фаза за нашиот Формула 1 тим."
"За Фаенца започнува нова тркачка ера, но ние ќе останеме верни на нашите корени и ќе продолжиме да развиваме таленти, но сега ќе бидеме повеќе фокусирани на борбата за највисоките места во Формула 1."
"Имаме храбра визија за иднината на тимот, предводена од мене и тимскиот шеф, Лоран Мекис. Одлично е што компаниите фокусирани на иднината како Visa и Cash App учествуваат во нашиот проект."
