Дали беше потребно ова баш во овој момент?!?
Можеби Не, можеби ДА. Не бидува Формула 1 без афери. Да има за што да се зборува, шпекулира кога веќе нема натпревар на патеките, туку доминиација на еден тим - ЛИНК ЗА ПОВЕЌЕ ДЕТАЛИ.
Следуваше заеднички одговор на засегнатите Ф1 тимови, кои изразија загриженост и шокираност од договорот, барајќи случајот да добие конкретна завршница.
Седуваше ново соопштение на ФИА, кое беше поддржано и од светскиот совет за мотоспорт, каде се вели дека поради комплексноста на Ферари ПЕ не е возможно да се најдат докази за нејзината нерегуларност, иако постојат индиции дека правилата за проток на горивото се заобиколуваат.
Ферари не признаваат дека го прават тоа, така да судскиот процес би бил долг, скап и може да заврши лошо и по едната и по другата страна. На крај двете страни постигнаа вонсудска спогодба за чија содржина јавноста нема да биде запознаена.
Подбуцнувачот и шпионската служба ангажирана од нивна страна ќе останат настрана, бидејќи во секоја варијанта не добиваат ништо, а може да изгубат многу ако се докаже дека користеле информации од поткажувач од противничкиот тим.
Од спортски аспект, по шест дена на тестирање пред стартот на сезоната, кои се одвиваа на патеката Каталуња во Барселона, се чини дека водечките три тимови остануваат како најверојатното трио за Победничкиот подиум. Мерцедес АМГ, неприкосновено на самиот врв, додека Ред Бул и најверојатно Ферари ќе ја демнат секоја нивна грешка за пласман на највисокото скалило.
Здружувањето на Хонда и Ред Бул, најпосле треба да даде знаци на напредок, што е од суштинско значење за тимот, но и иднината на Јапонците во овој мотоспорт. Во Барселона имаше првични показатели за тоа, но, тоа треба да се покаже и на патеките.
Нема многу промени во регулативата од минатата сезона, а една од најзначајните е што возачите ќе имаат на располагање една дополнителна MGH-K единица за собирање на енергијата од издувните гасови, една од најпроблематичните компоненти на денешните хибридни погонски единици кои ги придвижуваат Ф1 болидите.
Глобална тема на разговор е Корона вирусот кој не ја заобиколи нити Формула 1. По одложувањето на Кинеското Гран При, промоторите на трката во Бахреин се решија тркачкиот викенд да биде настан само за учесниците, т.е. ГН на Бахреин ќе се вози пред празни трибини. Во 2020 календарот таа е втората трка од сезоната.
ТВ ПРЕНОС кај нас во Македонија за разлика од минатата година ќе ИМА. Телевизискиот канал 24 Вести ги има правата за емитување и оваа сезона. Според одговорните за спортските преноси, пред се новинарот Владко Арсов не се планирани поголеми промени во начинот на презентирање. Новина е тоа што годинава треба да има репризи на сите трки, а не само на тие што се во неприроден термин за нас. Премин во ХД квалитет не е планиран, поради технички причини.
