СИТЕ ИНФОРМАЦИИ ЗА 2022 ФОРМУЛА 1 СЕЗОНАТА

На почетокот на месец Септември, најрано досега, ја започнавме редовната статија посветена за сите новини за 2022 сезоната.

Статијата редовно ќе се ажурира, моменталната верзија е од 09 Март 2022.

Пред стартот на 2022 сезоната, кога имаме едни од најголемите промени во техничките правила, а со тоа и сосема нови болиди со кои Формула 1 шампионатот влегува во нова ера.

Се надеваме дека новите правила за 2022 година, вклучително и построгото контролирање на буџетите, ќе помогне тимовите да се изедначат за да се создаде возбудлив и шампионат исполнет со многу адреналин и претекнувања.

Тимовите веќе две години работат на нивните дизајни, откако правилата беа одложени за една година, кога се појави пандемијата. За да им се даде на тимовите и возачите што е можно повеќе време да ги тестираат своите болиди, ќе имаме вкупно шест тест дена поделени на две локации.

Болидите од новата генерација ќе го имаат своето официјално деби на патеката за време на првиот тридневен тест помеѓу 23 и 25 Февруари на патеката Каталуња во Шпанија, а после тоа, Ф1 ќе се упати на Блискиот Исток за уште три тест дена во Бахреин од 10-12 Март, пред отворањето на сезоната на истата патека Сахир на 20 Март.

Од првата тест сесија на патеката Каталуња нема да има пренос во живо, ќе нема тајминг во живо, нити публика на патеката, туку само ќе се објавува резиме на најдобрите времиња на крајот од секој ден. За разлика од Шпанија, во Бахреин патеката ќе биде отворена за Ф1 фановите, а ќе има и пренос и тајминг во живо.

2022 ЗИМСКИ ТЕСТ СЕСИИ
П.	МЕСТО	ДАТА
1.	БАРСЕЛОНА	23-25 ФЕВРУАРИ
2.	БАХРЕИН	10-12 МАРТ
@МкФормула1 - Република Македонија

Како што се објавуваат деталите од презентациите на новите 2022 болиди, така ќе биде обновувана дадената табела на која ги имате линковите до фотогалериите и техничките карактеристики од истите.

ПРЕЗЕНТАЦИИ НА БОЛИДИ
ТИМ	БОЛИД	ДАТУМ	ИЗВЕШТАЈ
МЕРЦЕДЕС АМГ	W13	18 ФЕВРУАРИ	ЛИНК
РЕД БУЛ	RB18	9 ФЕВРУАРИ	ЛИНК
ФЕРАРИ	F1-75	17 ФЕВРУАРИ	ЛИНК
МЕКЛАРЕН	MCL36	11 ФЕВРУАРИ	ЛИНК
АЛПИН	A522	21 ФЕВРУАРИ	ЛИНК
АЛФАТАУРИ	AT03	14 ФЕВРУАРИ	ЛИНК
АСТОН МАРТИН	AMR22	10 ФЕВРУАРИ	ЛИНК
ВИЛИЈАМС	FW44	15 ФЕВРУАРИ	ЛИНК
АЛФА РОМЕО	C42	27 ФЕВРУАРИ	ЛИНК
ХАС	VF22	4 ФЕВРУАРИ	ЛИНК
@МкФормула1 - Република Македонија

По состанокот на Светскиот Совет за моторни спортови на ФИА, Формула 1 го објави планираниот календар за следната 2022 година. Почетокот на сезоната е во Бахреин на 20 Март, завршува со трката во Абу Даби на 20 Ноември, непосредно со почетокот на Светското првенство во фудбал.

ЛИНК - ПОДЕТАЛНО ЗА 2022 КАЛЕНДАРОТ - ЛИНК
ЛИНК - 18" ПНЕВМАТИЦИ СОСТАВЕН ДЕЛ НА 2022 БОЛИДИТЕ - ЛИНК
ЛИНК - СКРАТЕН ТРКАЧКИ ВИКЕНД ЗА 2022 СЕЗОНАТА - ЛИНК

ОФИЦИЈАЛЕН 2022 КАЛЕНДАР
П.	ТРКА	ПАТЕКА	ДАТУМ
1.	Бахреин	Бахреин	20 Март
2.	С.Арабија	Џеда	27 Март
3.	Австралија	Алберт Парк	10 Април
4.	Емилија Ромања	Имола	24 Април
5.	Америка	Мајами	8 Мај
6.	Шпанија	Барселона	22 Мај
7.	Монако	М.Карло	29 Мај
8.	Азербејџан	Баку	12 Јуни
9.	Канада	Жил Вилнев	19 Јуни
10.	В.Британија	Силверстоун	3 Јули
11.	Австрија	Ред Бул ринг	10 Јули
12.	Франција	Пол Рикард	24 Јули
13.	Унгарија	Хунгароринг	31 Јули
14.	Белгија	СПА-Франкоршамп	28 Август
15.	Холандија	Зандворт	4 Септември
16.	Италија	Монца	11 Септември
17.	Русија	Сочи	откажана
18.	Сингапур	Сингапур	2 Октомври
19.	Јапонија	Сузука	9 Октомври
20.	Америка	Остин	23 Октомври
21.	Мексико	Браќа Родригез	30 Октомври
22.	Бразил	Хозе Карлос Пејс	13 Ноември
23.	Абу Даби	Јас Марина	20 Ноември
@MkFormula1 – Република Македонија

ТИМСКИ ПОСТАВИ - 2022 СЕЗОНА
ТИМ	ВОЗАЧИ	БРОЕВИ
МЕРЦЕДЕС АМГ Мерцедес ПЕ	Луис Хамилтон Џорџ Расел	44 63
РЕД БУЛ Ред Бул ПЕ	Макс Ферстапен Серџо Перез	1 11
ФЕРАРИ Ферари ПЕ	Чарлс Леклер Карлос Саинц Јр.	16 55
МЕКЛАРЕН Мерцедес ПЕ	Ландо Норис Даниел Рикиардо	4 3
АЛПИН Рено ПЕ	Фернандо Алонсо Естебан Окон	14 31
АЛФАТАУРИ Ред Бул ПЕ	Пјер Гасли Јуки Цунода	10 22
АСТОН МАРТИН Мерцедес ПЕ	Себастијан Ветел Ленс Строл	5 18
ВИЛИЈАМС Мерцедес ПЕ	Алекс Албон Николас Латифи	23 6
АЛФА РОМЕО Ферари ПЕ	Валтери Ботас Гуанју Џоу	77 24
ХАС Ферари ПЕ	Мик Шумахер Никита Мазепин Кевин Магнусен	47 9 20
@МкФормула1 - Република Македонија

ПРИЈАВЕНИ УЧЕСНИЦИ ЗА 2022 ГОДИНА
КОМПАНИЈА	КОНСТРУКТОР	ШАСИЈА	ПЕ
Mercedes-Benz GP Ltd	Mercedes AMG Petronas F1 Team	Mercedes	Mercedes
Red Bull Racing Ltd	Oracle Red Bull Racing	Red Bull Racing	Red Bull Powertrains
Ferrari Spa	Scuderia Ferrari	Ferrari	Ferrari
McLaren Racing Ltd	McLaren F1 Team	McLaren	Mercedes
Alpine Racing Ltd	BWT Alpine F1 Team	Alpine	Renault
Scuderia AlphaTauri	Scuderia AlphaTauri	AlphaTauri	Red Bull Powertrains
AMR GP Ltd	Aston Martin Cognizant Aramco F1 Team	Aston Martin	Mercedes
Williams GP Engineering Ltd	Williams Racing	Williams	Mercedes
Sauber Motorsport AG	Alfa Romeo F1 Team ORLEN	Alfa Romeo	Ferrari
Haas Formula LLC	Uralkali Haas F1 Team	Haas	Ferrari
@МкФормула1 - Република Македонија

МЕРЦЕДЕС АМГ - КОМПЛЕТИРАНА
44 ЛУИС ХАМИЛТОН
63 ЏОРЏ РАСЕЛ

Мерцедес АМГ ја започна 2021 година со најава дека Луис Хамилтон и Валтери Ботас ќе треба да преговараат за продолжување на нивните договори.

Договорот со Луис беше потишан на почетокот на Јули, кога тимот објави потпишување на нов двегодишен договор со седумкратниот шампион, но преговорите за неговиот тимски колега беа одложени.

Тото Волф,  Тимскиот шеф, не криеше дека избира помеѓу Валтери и Џорџ Расел, и јасно стави до знаење дека објавата ќе биде официјализирана, откако двајцата ќе најдат возачко место.

Па така, прво беше потврден трансферот на Валтери Ботас во Алфа Ромео, а следниот ден беше објавено дека тимски колега на Хамилтон во 2022 година ќе биде Џорџ Расел.

РЕД БУЛ - КОМПЛЕТИРАНА
33 МАКС ФЕРСТАПЕН
11 СЕРЏО ПЕРЕЗ

Минатата година, Ред Бул го продолжи договорот со Макс Ферстапен до крајот на 2023 година. Тимот е среќен со својот лидер, и ако во наредните години останат конкурентни, тогаш може да се очекуваат вести само за продолжување на договорот.

Серџо Перез дојде во Ред Бул како втор возач, и иако не без проблеми, тој релативно добро се справува со мисијата што му е доверена. Барем така изјавуваат од тимот. На крајот на август, по летната пауза, тимот објави продолжување на договорот со Мексиканецот за 2022 година.

ФЕРАРИ - КОМПЛЕТИРАНА
16 ЧАРЛС ЛЕКЛЕР
55 КАРЛОС САИНЦ ЈР.

На крајот на 2019 година, Ферари го продолжи договорот со Чарлс Леклер на пет години. Карлос Саинц Јр., кој се приклучи на Ферари во 2021 година, потпиша договор на две години. Како што одминува сезоната, двајцата возачи ги покажуваат резултатите што тимот ги очекува од нив, земајќи ги предвид можностите на болидот. Составот на Ферари ќе остане непроменет следната сезона.

МЕКЛАРЕН - КОМПЛЕТИРАНА
4 ЛАНДО НОРИС
3 ДАНИЕЛ РИКИАРДО

Даниел Рикиардо се приклучи на Мекларен во почетокот на 2021 година, потпишувајќи повеќегодишен договор со тимот. Адаптацијата зад воланот на болидот на британскиот тим не е лесна задача за Австралиецот.

Наспроти очекувањата на многумина, Даниел е инфериорен во однос на Ландо во текот на сезоната, но во 2022 година соработката помеѓу Мекларен и Рикиардо ќе продолжи. Во Мекларен останува и Ландо Норис, чиј договор за 2022 година беше потврден уште во мај.

АЛПИН - КОМПЛЕТИРАНА
31 ЕСТЕБАН ОКОН
14 ФЕРНАНДО АЛОНСО

Кон средината на јуни, тимот го продолжи договорот со Естебан Окон до крајот на 2024 година. Договорот на Фернандо Алонсо со тимот вклучуваше настапи во 2021 година со опција за 2022 година.

Во првата половина од сезоната, шпанскиот возач докажа дека двегодишната пауза во настапите во Формула 1 не влијае на неговата брзина, самиот Фернандо е задоволен од тимот, така што продолжувањето на договорот со Алонсо за 2022 година не беше изненадување.

АЛФА ТАУРИ - КОМПЛЕТИРАНА
10 ПЈЕР ГАСЛИ
22 ЈУКИ ЦУНОДА

Пред Италијанското Гран При, АлфаТаури ја потврди возачката постава, задржувајќи го нивниот лидер Пјер Гасли и дебитантот Јуки Цунода. Некој заслужено, некој ќе има втора шанса, само поради Хонда.

АСТОН МАРТИН - КОМПЛЕТИРАНА
18 ЛЕНС СТРОЛ
5 СЕБАСТИЈАН ВЕТЕЛ

Ленс Строл има повеќегодишен договор со тимот на неговиот татко. Договорот на Себастијан Ветел првично беше склучен за една сезона, но страните се задоволни од соработката, а во наредните недели се очекува формална потврда на договорот за 2022 година.

16.09.2021 Астон Мартин и официјално ја потврди возачката постава за 2022 сезоната. Како што се очекуваше, Себастијан Ветел и Ленс Строл ќе продолжат да возат за тимот.

ВИЛИЈАМС - КОМПЛЕТИРАНА
6 НИКОЛАС ЛАТИФИ
23 АЛЕК АЛБОН

Пред Италијанското Гран При, тимот на Вилијамс официјално ја потврди возачката постава со продолжување на договорот со Николас Латифи и потпишување договор со Алекс Албон, кој ќе се врати во Формула 1 во 2022 година по едногодишна пауза.

АЛФА РОМЕО - КОМПЛЕТИРАНА
77 ВАЛТЕРИ БОТАС
24 ГУАНЈУ ЏОУ

Алфа Ромео го потврди повеќегодишниот договор со Валтери Ботас, кој ќе стане лидер на тимот во 2022 година, на местото на Кими Раиконен. Има доста кандидати за тоа кој ќе биде негов тимски колега. Тимот и пред се Ферари не се баш премногу воодушевени со резултатите на Антонио Џовинаци, кој ако не беше Италијанец, досега секако ќе беше избркан уште мината година.

Има многу кандидати за негово место, пред се возачи од јуниор академијата на Ферари. Друг кандидат се смета за членот на Младинската академија на Заубер, Тео Пуршер, чија кариера ја води Фредерик Васер, тимскиот шеф.

Во Ф1 послебите тимови имаат значително намалена финансиска моќ, па така, како најнов и најсериозен конкурент за единственото слободно место за 2022 година е кинескиот развоен возач на тимот на Алпин, Гуанју Чоу, кој би требало да донесе 30 милиони долари во тимот.

16.11.2021 Како што и се очекуваше, парите се секогаш на прво место. Тимот на Алфа Ромео потврди дека Антонио Џовинаци ќе се раздели со тимот по завршувањето на оваа сезона. Италијанскиот возач досега има 59 трки за тимот од Хинвил.

Од следната сезона, Кинезот Гуанју Џоу ќе биде тимски колега на Валтери Ботас. Оваа година, Џоу се натпреварува во Формула 2, моментално е на второто место во поединечна конкуренција пред последните две трки во Саудиска Арабија и Абу Даби.

Водечки е Оскар Пјастри, кој денес потпиша како резервен возач со тимот на Алпин. Гуангју Џоу ќе стане првиот кинески возач во Формула 1.

ХАС - КОМПЛЕТИРАНА
47 МИК ШУМАХЕР
9 НИКИТА МАЗЕПИН
20 КЕВИН МАГНУСЕН

Тимот на Хас, официјално ја нема објавено возачката постава за следната сезона, но нивниот тимски шеф, Гинтер Штајнер, во неколку наврати изјави дека ја разгледува 2021 година како тренинг за Мик Шумахер и Никита Мазепин, така што и двајцата возачи ќе почнат да носат резултати за тимот во 2022 година.

Продолжувањето на настапите на Никита Мазепин за Хас е очигледно, а судбината на Мик Шумахер зависи од одлуката на Ферари, дали тој ќе остане во тимот или да замине во Алфа Ромео. Ако Мик го напушти тимот, ќе биде заменет со еден од возачите на нивната младинска академија, што е помалку веројатна опција.

23.02.2021 Тимот на Хас и официјално потврди дека во следната 2022 Ф1 сезона ќе ја задржи истата возачка постава, Никита Мазепин и Мик Шумахер. Русинот и Германецот втора последователна година ќе возат за тимот во американска сопственост, кој ќе ја има својата седма сезона во врвниот мотоспорт шампионат.

05.03.2022 Тимот одлучи да ја прекине соработката со главниот спонзор Уралкали и возачот Никита Мазепин.

09.03.2022 Тимски колега на Мик Шумахер ќе биде Кевин Магнусен, кој се враќа во тимот.